مع الاعتذار الى العاملين في الاذاعات اللي خاطيهم اما انا نقصد جماعة البلاتوهات الفاسدة .....
الجماعة ينظمولك حوارات ونقاشات فيها حملة كبيرة واسعة يقوموا بيها جماعة موش بهايم وموش متخلفين اما قابضين والا هوما بيدهم من جماعتهم ينظمولك اذن حملات على تحفيظ القران الكريم باش تنسى اللي البلاد موش بخير ..واللي الحياة غلات اكثر مما الواحد يتصورها .....
ويعديلك خرجة الزطالين من الحبس بالمئات باش تنسى االي يهربوا في الفلوس بالمليارات الى الخارج ويبييضوا فيها بالسلع المهربة من كل انحاء العالم تشرف عليها مافيا دولية يمكنها ان تتعلم الدروس من المافيا التونسية....
يعديلك على الشاشة واحد لواطي يحب يحبل وفتاة لواطية عفوا سحاقية تحب تولي راجل على خاطر عدد البنات زاد اكثر من اللزوم في تونس باش ينسيك في الفساد اللي كانت عصابات بن علي يقوموا بيها لا في تونس فقط بل من سويسرا الى بانما مرورا ببيروت ودبي....
يعديلك مرا راجلها ما عادش ينجمها في الفرش على خاطر كثر من الطحين مع بنات ونساء في الشارع باش ينسيك في المليارات اللي سرقتها شركة كاكتوس بادارة بلحسن الطرابلسي وتنفيذ سامي الفهري…
يعديلك على الشاشة مرا عريانة قالوا ممثلة وإلا راقصة باش تبات تسب فيها وإلا معجب بيها ..المهم تنسى اللي البوليسية ما نفذوش قرار المحكمة في مصادرة املاك الفاسدين ومن بينهم صاحبنا متاع الترجي وصلاح الدين اسمو شيبوب وثلاثة من امثالو….
يعديلك واحد مزطول وواحد سكران يناقشو في الخمر حلال وإلا حرام باش تنسى كل الاغلاط الاجرامية اللي قام بيها سي ياسين ابراهيم ضد الوطن…
يعديلك حوار بين مثقف معتوه معروف بصياحو على كل شاشة يشارك فيها ….وفنانة مصروعة وواحد لا قيمة له اطلاقا قال شنوة قال يكره المرا التونسية ومشى تزوح ثلاثة اجنبيات …كانوا يتسابوا ويقولوا في ملام. اعوذ بالله منه ومنهم وهذا في زعمة نقاشهم حول حكاية الثعلوبة والمرا الاجنبية. باش تنسى حقيقة التحالف بين نداء تونس والنهضة …
يعديلك مسلسل فيه وعليه. ..باش تنسى نفسك وتنسي الثورة وتنسى الفساد وتنسى التجمع وتنسى اللي عملوه الكل ….واللي عملوه للأسف افسد من عمايل بن علي …….
يعديلك االي تحب ..تحبشي يتحولوا الى محطات بورنوغرافية وتكوين في المافيا ..موش مشكل المهم تنسى اللي انت تدفع الضرايب على مرتب الضعيف. ..واللي يقبض في المليارات. يهرب فيها للخارج….وهو يعيش بالسيارات الفاخرة بمئات الملايين وفي الفيلات بالمليارات وفيها البيسينات وانت تعيس في الضيق وما تعرفش تخرج من ديونك وقروضك ..انت ولدك يحصل على الشهاءد ولا يعمل.
وهوما اولادهم يولليوا من اول نهار شخصيات كبيرة وربما وزراء …نتصور ما نسيتوش ان التجمع ارجع بكللو. ..حتى االي كبر جابلنا ولدو وزير ..من بداية الثورة اربع وزراء اولياؤهم كانوا وزراء …اذا ما حكمكش هو. يجيبلك. ولدو يكمل المشوار….
الان البلاد فيها اعمل االي يظهرلك. المهم سب الثورة والعن اللي تسبب فيها ..وانساو الفساد القديم والفساد الجديد …… وخوذ الفلوس موش مشكل. …المليارات كاينة وإذا اعطاوهم شوية ملاين. لا شيء يمس من ثرواتهم اللي ما جابوهاش بالمجهود بل بالتهرب من الضرائب وبالتهريب وبالتدخلات متاع الطرابلسية وجماعة بن علي بكل الالقاب اللي نعرفوها واللي مانعرفوهاش…
سؤال تو تو جاء للمخ. بالله الجماعة اللي هربو من تونس يوم 14 جانفي2011 واللي بعدو. زعمة نجمو يخرجوا بفلوسهم كلها وإلا خلاو. اش كون يتصرف فيها ويواصل تكبيرها في زمن انفلات الحكومة وانهيار الدولة ……