الرئيس اللي ما يعترفش انو ثمة قنّاصة (وتحدى التوانسة الكل وقاللهم :"اللي يشوف قناص يجيبهولي")، الرئيس اللي قاللكم ما ثمة كان ثلاثة شهداء نستعرف بيهم (وهو في الحقيقة ما يستعرف كان بالندائي لطفي نقّض، لكن التحالف مع الجبهة خلاه يتذكر من وراء قلبو المرحوم بلعيد والمرحوم البراهمي)، الرئيس اللي حتى حد عندو ما عليه مزية -رغم أوهام قطاع الطرق-كان النواة الصلبة متاع المنظومة القديمة (وهذاكه علاش يحب يردّلها الجميل ويعدّي قانون المصالحة الاقتصادية)، الرئيس هذا ما تشتغربوش منو إذا في نهار موش بعيد برشه يقوللكم "اللي يشوف شهيد يجيبهولي" ..
رئيسنا موش معترف انو ثمة ثورة أصلا وانتوما تحبوه يعترفلكم بالشهداء متاعها؟ . ما بيناتنا هو موش غالط برشه ، وأكبر دليل على إنو الثورة كذبة كبيرة هو وجود الباجي وبقية العصابة النوفمبرية في قرطاج والقصبة وباردو..وسلملي على الفلايك والمليون مرا اللي انتخبوا الكاريزما.