تبث في معاناة الجهات المهمشة و مطالبهم و احتجاجاتهم...و تمشي للمارشيات تعاين اسوام الفلفل و الجلبانة و دجاج الحاكم كيفاش تكوي و قفة الزوالي كيفاش تشوي !!
و يخرج سفيان بن فرحات ينفخ في حناكو على النمط المجتمعي للتونسيين و كيفاش كنا نحاربو في الفساد في عهد الحضارة القابسية و يحكيلنا على أول شجرة لوز زرعت على تراب تونس الخضراء…
مرورا بعليسة و الكاهنة و عزيزة عثمانة وصولا الى وهرة صابرين و انس و ماجدولين و يختم بكاريزما الباجي منقذ تونس من المخطط التركي القطري الذي كان سيعصف بمكتسبات دولة كمال و شفيق...بعد مداخلة تحليلية لصحفي الاحتياط جمال العرفاوي في قراءة شاملة لتفشي المحسوبية و الرشوة و تأثيرها على الاقتصاد التونسي و المسار الديمقراطي ككل و وجوب اعادة العلاقات الديبلوماسية مع الشقيق بشار...يتخللها استعراض اخباري مباشر من كوثر زنطور رئيسة تحرير الشارع المغاربي المختصة في كراء لوازم و فساتين نداء تونس...ثم يتدخل الفتى المطيراوي بتحقيق على الانتصاب الفوضوي او الذبح العشوائي و بيع لحم الحمير الفاسد !!!
يختمها نبيل بفقرة مقرفة من المزاد العلني اليومي للاعمال الخيرية و مساعدة المحتاجين !
برا ربي يعينكم...قال الديناصور !
الاخطر من تسريب نبيل ولد العائلة الذي يتضمن كوكتيلا لا بأس به من جرائم المجلة الجنائية التي تهم النظام العام... هو صمت القضاء و النيابة العمومية التي رأيناها تستأسد و تمارس ما منحها اياه المشرع من سلطة على أصحاب التدوينات الفايسبوكية و فيديوهات عماد دغيج…
اما صمت المجتمع المدني خاصة جمعيات الرفق بالكلاب و منظمات محاربة الفساد في النزل و الحانات و كل الفنانين و المثقفين الذين يحاربون الظلامية و الرجعية و ما يهدد تونسهم المدنية الحداثية بالفن فذلك مفهوم فهم لم يرفعوا رؤوسهم بتاتا من القصعة التي يتشاركون فيها مع كلاب العائلة…