سمير موش وحدو وينهم اللي اعطاوه ...واشكونهم ؟؟؟!!!!
يا جماعة الاحزاب...يا اللي تعرفوا اش كونو سمير الوافي وعندكم ملفاتو ..وتجريوا وراه ...وتعتبروه سيد الرجال....ونهار الكل وانتوما شادين الصف على برنامجو في قناتو.....
يا جماعة المنظمات اللي تعرفوا سمير وتعرفوا القصص متاعو الكل ...........اش بيكم ما تكلمتوش من قبل يا جماعة الاعلام التلفزي والاذاعي...اش بيكم تعتبروا سمير واحد من كبار الاعلاميين ..وتحبوا تظهروا في برنامجو ..
يا هاك الادباء اللي عاملين برواحهم في الشاشات وطيحوا في قيمة الادب والثقافة ورجال الادب انتم تجريوا باش تتعاداوا عندو...وإلا لا..انتم تعرفوه فاسد وإلا لا...شفتم تصاور الشيكات وإلا لا على الفايسبوك. الشيكات اللي قبضها ابتزازا او رشوة او تحيلا .....
انتوما نعم انتوما شركاء في تضخيم سمير وإلا لا.... اش كون ردوا اسم كبير ..ودفع به الى ان يطلب رشوة بمليار ؟؟؟
اخي تعرفوا اش معناه مليار........راهو مليار ..ومانزيدش نقول اكثر...مليار ..واش كون عندو المليار ويعطيه بسهولة ؟؟؟ هو طبعا اللي عندو مئات منها ...و ربما هو من الجماعة ..وربما هو من الناهبين ..وربما ...وربما…
ويلقى واحد كيف سمير ..يحب الفلوس الساهلة.....ما يوخرش...ويدفع..حتى ثلاثة مليارات ...المهم انو يتعدى في تلفزة ويحكي على وطنيتو ورجوليتو ...وبراءتو من علاقاتو بليلى...وبلحسن وعماد.....وبن علي نفسو............وهو كان غارق معاهم… سالتوشي مرة وحدة..اولاد الطرابلسي مع اشكون فسدوا .....
انتم شركاء في جرائم سمير وإلا لا.....
بكلكم تعرفوا قضية حمادي الطويل وعمليات الابتزاز .تعرفوها ...نعم تعرفوها اش بيكم تجريوا للشاشة معاه...واعطيتوه تأشيرة مواصلة النصب والاحتيال..والسرقة والابتزاز......
توا عندكم يومين وانتوما شادين في سمير ..طايحين عليه..وانتوما تعرفوه ..وكنتوا تجريوا في برنامجو وحضرتوا في حنتو ووطيتو...وعرسو....بالمئات...وغنيتوا وصفقتوا ...واشطحتوا ...وفمة اللي سكر حتى طاح يبكي على سعدو على خاطر الباجي ما حطوش وزير........
وهاك السيد اللي اعطى رشوة بمليار لسمير الوافي حد ما تكلم عليه ..اش بيكم انسيتوه ......وكأنه ضحية ...هو ايضا مجرم...ويستاهل طريحة ..وايقاف ..ثم محاكمة ثم السجن لسنوات طوال....
و هاك السيد الاخر اللي اعطى رشوة لسمير تتمثل في دار بكوارطها..ننساوه زادة ...بل ثمة اشكون يدافع عليه على خاطرو في الحبس ...ومتهم بأخطر التهم...اما جماعة اعلام اللي ما يتسماش. ماهمش رجال....وطاحوا يدافعوا على الاجرام والمجرمين…
وهاك شفيق جراية اللي قاللكم بصريح العبارة اللي عندو برشة كلاب شدهم باش ما يسبوش سي كمال...وسي كمال شد كلابو.. لو كان جيتو ناس ملاح وما نحبش نقول كلمة اخرى اش بيكم ما حليتوش تحقيق...اش كونهم الكلاب متاع سي شفيق…
انا نعرف..وانتوما تعرفوهم واحد واحد ...نعم تعرفوهم... اش بيكم انتوما ما عملتوش حملة على الكلاب ... نعم موش انا قلت اللي انتوما كلاب اما هاك اللي انتوما قبضتو باش تدافعوا عليه ....
وهاك السيد اللي طمع باش يعمل شركة انتاج تلفزي بالاشتراك مع سمير واعطاه ثلاثمائة الف دينار توا خمسة سنين اشبينا نسيناه ..لواه على خاطرو عمل تلفزة وحدو..... بالله عليكم سمير ردلو فلوسو وإلا لا…
تعرفو قصتو ...امالا علاش ما تغششتوش عليه...علاش ما رفضتوش باش تشاركوا في تكبيرو
الراحل خلاكم لا اخلاق و. .. ولا قيم..ولا شرف......وعراكم...... والناس اللي اعطوه برشة فلوس انتوما ما تحدثتوش عليهم…
تعرفوشي علاش ..على خاطركم اكثركم تشبهوا لسمير..وبكلكم تحبوا تعملوا كيفوا...بل ربما حاسدينوا..... وهاك الراجل اللي في فرانسا توا واعطى لسمير برشة فلوس..وإلا ماعطاووش .. و الهدف هو ان سمير قاللو انا نجم ندخللك عند الباجي قائد السبسي ...خذاشي فلوسو.. ؟؟
ما خذاش..ما نعرفش لكن ......وقد تورط في هذه القضية صاحب قناة التاسعة ..لما اراد فضح سمير لصناعة البوز… اش بيكم انسيتو الجماعة الكل ..وشديتوا في سمير؟؟
اللي اعطى..واللي رشى..واللى وافق على الابتزاز. ..هاذم الكل يلزم نحاسبوهم......هوما راس البلاء كانوا يحبوا يتعدوا في التلفزة باش يعفوا بارواحهم وإلا باش يبيضهم ...سمير..وإلا يطبعهم مع الثورة..والثوار...... والثوار مافيهمش سراق ...ما فيهمش مجرمين...... ؟؟
انما الراكبين على الثورة هوما اللي دمروا البلاد…وقتلوا عروق الثورة …..الجماعات اللي شدوا الصف في عرس سمير ..هوما الكل اللي ركبوا على الثورة…وهوما اللي مايراوش مانع ان سمير يسرق وينهب …على خاطرهم كيفو …نعم وإلا علاش امشاوا وشدوا الصف في عرسو … علاه سي سمير…؟؟
اش عندو زايد على بواب في عمارة…وإلا شاوش في ادارة ..البي اذا عرسوا حتى السمع ما تسمعوش بيهم ولو كانوا في اداراتكم ..وإلا يخدموا في دياركم…..
علاه سمير؟؟ على خاطرو يعديكم في القناة؟؟
وعلى خاطرو كيفكم في السرقة والنهب والتغطية عليه….وشركاء في تدمير الاخلاق والقيم في البلاد………