علاش جماعة النهضة يفرحوا كي يتصوروا حتى في جنازة مع اليساريين والتجمعيين وكأنهم متصورين مع تشي غيفارا والا مع عبد العزيز الثعالبي..
وعلاش التجمعيين واليساريين- حتى اللي متورطين مع نظام بن علي - ما يظهروش نفس الفرحة ونفس الاعتزاز كي يتصوروا مع رموز النهضة- رغم انهم كانوا ضحايا نظام" صانع التغيير" ، ورغم انو أغلب التجمعيين اليساريين هوما أول ناس من المفروض يعملوا اعتذار جماعي للتوانسة الكل موش لجماعة النهضة بركه-
لو نصيغ السؤال بصورة اخرى انجم نقول: علاش "الاستعلاء الايماني" اللي تربوا عليه قيادات النهضة وقت الاستبداد، ما تحولش بعد الثورة إلى " استعلاء نضالي" على الاقل قدام الأزلام وكلاب الحراسة الأيديولوجية متاع النمط ،
وعلاش جماعة النهضة مصرّين انهم يذلوا أرواحهم ويعطوا قدر لناس لو كان كان عندهم قدرة باش يعملوهم صابون والله لا يترددوا لحظة؟
مختصر الحكاية: انجموا نفهموا انك ما عادش تحس روحك خير من المجتمع ( بما انك وليت جزء من المنظومة الحاكمة وقبلت بشروطها)، لكن مستحيل نفهموا انك ماعادش تحس روحك خير من الجلاد متاعك اخلاقيا وسياسيا، خير منو هو ومن الناس اللي شمتت فيك وإلا حرضت عليك قبل الثورة وبعدها….