( بمناسبة الحوار "التاريخي" بين زوز شبه صحفيين وصاحب الكاريزما)
يُروى أن أحدهم رآى شيخا يأكل في السوق، فعاب عليه فعله إذ كان من المقرر عند أهل العلم أنّ الأكل في الأسواق مُزرٍ بالمروءة ومسقطٌ للهيبة في نفوس العوام .
فقال له الشيخ : أرأيت إن أكلت في زريبة أعليَّ وزر؟ قال المعترض : لا تثريب عليك. فقال له العالم: وماذا لو كان حكم العوام في هذا السوق كحكم الدواب، أفي أكلي بينهم سبّة أو نقيصة؟ قال المعترض: لا. فقال له الشيخ: سآتيك بالخبر اليقين قبل أن تقوم من مكانك هذا.
ثم إن الشيخ اعتلى مكانا في ناحية من السوق ونادى بأعلى صوته: " حدثني فلان عن فلان أن النبي صلى الله عليه وآله وسلم قال: من مسّ لسانُه أرنبةَ أنفه دخل الجنة". ولمّا أتم كلامه نزل من مكانه، وقال للمعترض: ألم أخبرك أنهم بقر ...انظر وسترى عجبا . فنظر من حوله فما بقي منهم رجل إلا أخرج لسانه يريد أن يمس أرنبة أنفه ..ليدخل الجنة.
العبرة من الحكاية : الإعلام كيف السوق في الحكاية هاذي، فيه برشه متحيلين ومختصين في تزييف الوعي كيف البطل متاع القصة، وثمة برشه ناس يقبلوا على أرواحهم دور البقر لأنهم مستعدين يصدقوا المتحيلين واالمرتزقة وسقط الخلق، ومستعدين يصدقوا إنهم ينجمو يدخلو الجنة بمجرد قطع المسافة اللي بين اللسان والخشم.
أفضل حل باش نحافظوا على الطاقات النفسية والذهنية متاعنا هو أنو ما نضيعوش وقتنا مع المتحيلين واللي ينتحلوا في صفات موش متاعهم(خبراء، اعلاميين، محللين، مناضلين، ديمقراطيين، متدينين، نقابيين، وطنيين ...الخ)...والأهم من هذا، هو إنو يلزمنا ما نخلوش حتى شخص-مهما كانت ثقتنا فيه واا مركزو في الدولة - يتعامل معانا كيما يتعامل مع البقر-حاشاكم-...حتى لو كان يمشي على الما ويطير في السما....وعندو سلسلة إسناد ذهبية توصل لسيدنا حوس.
ناجي الزعيري: في عهد بن علي، تشكلت شخصيتو المهنية بخلطة عجيبة بين ثقافة الوطد(كره الإسلام موش الاسلام السياسي فقط) وتربية الشروق(التدليس وخدمة القصر) وتعليمات البوليس السياسي(الصبة في شكل مقالات)...شنية تحبوه يكون بعد الثورة غير رئيس تحرير راديو موزاييك وكلب حراسة لخرافات النمط ولمصالح اللي يدفع اكثر؟
خليفة بن سالم : بدل اللقب متاعو(بن سالم) وردو "الطرابلسي" باش يتقرب للعصابة في عهد بن علي، ورجّع اللقب الاصلي بعد الثورة باش يتبرا من اسيادو...شنية تنتظرو منو غير انو يكون كرونكار في قناة القروي (والقروي بالدارجة المعنى متاعو معروف وما عندو حتى علاقة بالقيروان)؟