صندوق الكرامة للناس الي قدمت ملفاتها للعدالة الانتقالية، ولقائمة الشهداء والجرحى وشهداء العمليات الارهابية وجرحاها، صفحة لازم تتطوى وقت الدولة تعتذر وتجبر الضرر (مهوش تعويض .... هو جبر ضرر مادي وهذا واجب الدولة مش مزية).
وزيد على هذا عيطة وشهود على ذبيحة قنفود، قداش مخصصينلو هو الصندوق اصلا؟ عشرة مليارات والباقي بش تصبهم الأمم المتحدة ومفوضية حقوق الانسان، والدولة بش تعوض في حدود امكانياتها،
وهذا جزء لازم من المسار ولطي الصفحة، يظهرلي الجماعة مخوضة الدنيا موش على هذا أما من توة عركة بش ميصيرش الاعتذار، كيفاش عالي المقام يهبط من علياؤو ويعتذر لضحايا التعذيب؟؟!
خاطر المبلغ لي صاير عليه الفوفعة صدقني عيد الشجرة يتكلف اكثر منو.