هيا يا سيدي وطيحنا الحكومة ...كبرت حكاية القصرين ووصلت حتى لبن قردان وطاحت ..
عمك الحبيب الصيد رقع من هنا رقع من غادي ما لقى بيها وين نهار الخميس طيقر (بالدزيري) وطيش مفاتح البيرو على الكاتبة عورها في عينها اليسرى وخرج يتلهوث كالبوفطيرة ...وقد عزم على الهجرة الى موزنبيق …
الحبيب الصيد نخرجوه من الحكاية ) هو هابط في شارع باب بنات يبرطم خلطت عليه كرهبة قتلته( خرج من المسلسل )رحمه الله وبرد ثراه ).
توا السؤال في البلاد وعند مريم جيستمون نعيد تشكيل حكومة بسند البرلمان الحالي والا يكفي منه و ترتفع المطالب الى برلمان جديد ...؟ مريم تحب حكومة بلا خوانجية )يزينا من الخوانجية يا خويا ريحتهم بالمسك وياسر قدم ومذرحين)
سيب علينا من البرلمانات يا ولدي خير ما يطلنا قصاص وبن تومية…
حكومة انقاذ وطني بلاش البرلمان ...(سي محمد الغرياني و سي مرجان جاهزين )
ايه والباجي اش نعملوا بيه ؟ ..برجولية يزيه هوكا رقد في سرير بورقيبة يزي عاد..فك
لكن كيفاش نخرجوه من الصورة ومن المسلسل …
برودة قوية ...رقد ما قام ... والتقاعد مضمون لشاذلية )حرم الرئيس السابق تلقي ما تحكي مع فوفو وحرمه)
مخي عكش في تشكيل الحكومة من خارج البرلمان ...(يعني نحن بلا برلمان وبلا رئيس )
في انتظار تشكيلها وتطييحها وهزانها للنحلي ..
التلاميذ ثاروا على جلول …
الطلبة الغوا امتحاناتهم ونجحوا ارواحهم ..
شركة النقل اخفت الحافلات و الميترو ...و النقل بين المدن حبس ..والمطار هربت منه الطائرات الاجنبية والنزل اقفرت والسلب استشرى في البلاد …
وهجمت الاحياء على الاحياء ..والجيش شد نهارين وتقطعت به السبل ..
البوليسية العاقلين شدوا ديارهم واللصوص نحوا الكسوة واحتفظوا بالسلاح وشدوا المفارق ..
كعبات داعش هبطوا بالفتح المبين واعلان الولاء للبغدادي في امارة تونس
بعض الاحياء تحمي نفسها ولكن مريم جيستمون شادة في لجان حماية الثورة ..
المغازات نهبوها ...الخبز انعدم ...ربطة الخبيزة ولات بخمسة لاف ..
الحاصل بلاد وكانت ....
اوريدوا بعثت 5 لاف ضربة وحدة لكن الريزوات الكل تقصت …
اخوتنا الدزيرية حركوا الجيس الثالث على الحدود ودخلوا الى حدود جندوبة شمالا و عسكروا في فوسانة و نفطة ...ثم وضعوا مثلث البرمة تحت نفوذهم …
فرنسا اعلنت حماية مصالحها في تونس بانزال بحري في غار الملح بينما دخل الماريمز عبر كاب سيراط الى حدود باجة لاعتراض تقدم الجيش الجزائري .. ثم انزال بحري في بوغراراة لحماية تونس من تمدد داعش ليبيا …
بلاد وكانت …
اعلن محيشن جمهوريته في مقاهي البحيرة وما جاورها الى حدود الشرقية واحد .
ايها البرجوازية الصغيرة من غدوة ابدوا خبوا المقرونة …
راهي اتخذت عليكم !
وما تنسوش الشمع عاد يصلح لاغراض شتى …