يقلك موش انقلاب امّا اجتهاد في تاويل الفصل 80 و في نفس الموقف يطالبوا بالعودة للنظام الدستوري و القانوني!! و يختموها "نحبّوا على خارطة طريق للمرحلة القادمة!! اعاجيب :
1- اذا هو مجرّد اجتهاد في تأويل الفصل الدستوري يعني نحن باقين في النظام الدستوري فعلاش يطالبوا بالعودة للنظام الدستوري ؟؟
2- واذا نطالبوا بالعودة للنظام الدستوري شمعناها خارطة طريق للمرحلة القادمة ؟ خارطة الطريق الوحيدة في الحالة هذي هي تطبيق الدستور و ما عدى ذلك هو مجرّد تبرير لتواصل الأحكام الإعتباطية و تعليق الدستور و بالتالي لا نعود الى النظام الدستوري.
دخت.
امّا جماعة هو انقلاب وعاجبنا وفرحانين بيه فما عندي ما نقلهم حتّى اجابة عليهم هذوكم هوما الدهماء اللّي حكيت عليهم سابقا و سألوني حبابي شماعنتها الدهماء؟
من طلب لنفسه الذلّة و المهانة وجدهما على قارعة الطريق و لذلك تجدهم كثر، و من طلب لنفسه العزة والحريّة قاوم من أجلهما و ان بقى وحيدا.
قاوم ان كنت حرّا لتبقى، فحرّيتك ليست مضمّنة في سجّل عقاري بل هي كائن حيّ يتغذّى من عشقك لها و تضحياتك من أجلها.