في تونس عنا صحفية بايتة في ڨلبو بسبب تدوينة كتبتها على الفايسبوك... ردوا بالكم يسبّكم ولا يعنفّكم بوليسي وتفضحوه على الفايسبوك... تعلمّ اسكت يا صحفي .
تعلمّ شوف الظلم والقهر واسكت.. تعلّم تخاف من البوليسية... تعلم طبّس راسك وعاونهم بسكاتك هاذيكا هي الحرية في قاموسهم والّي يحبوها على قياسهم…
الحرية الي تفضحهم وتقلقهم يجرّموها ويعتبروها فوضى ومؤمراة ضد مشاريعهم الوطنية العظيمة...لازم تكون معاهم في الخط وتهلل وتطبّل لممارساتهم العبثية فماش ما يتكرموا عليك بصفة الوطنية،
غير هذا راك فوضوي و اعلام عار وتطبق في أجندة تخريبية ولازم تطهير مؤسسات الإعلام منك ومن امثالك المخربين...يحبوها دولة الخوف و الرعب دولة بوليس.. يحبوها دولة معتقلات.. واحنا نحبوها دولة حريات وبش ننتصروا.. طال الزمان أو قصر .
الحرية للصحفية شهرزاد عكاشة.