1-التوقيت علاش اليوم وعلاش بعد يوم فقط من صدور نتائج الانتخابات الفرنسية.
2.. كأن نادية عكاشة تبحث عبر التدوينة عن صك غفران... تحاول ان تخلي مسؤوليتها وأن تتبرأ مما حصل وربما ما "قد يحصل" وهذا يخلينا نتوقعو انو فما تطورات سياسية كبرى ستحصل.. وطبعا موش سياسية فقط.. اقتصادية اجتماعية كذلك..
3.. نادية عكاشة تقول "لحظة عملت ان تكون قطعا تاما مع ". يعني نهاية مرحلة وبداية مرحلة .. تمت بقرار وتخطيط من نادية عكاشة وهذا اعتراف كتابي منها !!
واستعملت مصطلح "اللحظة" في عديد المناسبات .. بالتالي "اللحظة التي ستأتي والتي أتت " الي سمعناها في خطابات الرئيس الكل هي تجسيد وتجسيم لفكرة ومنهجية عكاشة...
وعليه .. ما تنجمش اليوم في "لحظة" تتنصل من تبعات قراراتها وبرنامجها !!
4.. عكاشة تقول انو "اللحظة" عملت على ان تكون "قطعا تاما مع ما سبقها " والي هي تلخصو في العفن السياسي والفساد ... ثم ترجع تقول الي "لحظة" 25 جويلية كان المفروض تكون مسار وطني يقوم على منهجية واضحة وتمشي ديمقراطي "جامع" فيه احترام "الحريات والمؤسسات" !!
اولا كيفاش تمشي ديمقراطي يحترم الحريات والمؤسسات وقت قررتو تسكير برلمان البلاد بالدبابات ومنع نواب منتخبين من مباشرة عملهم وما رافقو من تفقير وتجويع وتضييقات..
ثانيا كيفاش ديمقراطي "جامع" وقت انتوما قررتو (كيما انت تقول "عملت على") القطع التام مع مرحلة كاملة بما فيها من مؤسسات، وهيئات، وقوانين، وتشريعات !
ثالثا كيف تقول "اسس ثابتة لبناء دولة القانون" شكون يحددها الاسس الثابتة هاذي في خضم ما تم اقراره وشكون الي باش يقومو بالبناء على انقاض ما قبل "لحظة 25" وشكون يختارهم وبأي معايير؟ بالهلاميات وستاتوات الفايسبوك والعموميات متاع "المفسرين" ؟؟!
5... نادية عكاشة تقول تم الاستيلاء على اللحظة من قبل "زمرة فاشلين لا يفقهون غير الابتذال والتضليل والتشويه" اي لكن هي وين وقت دخلو لدائرة الرئيس "الزمرة" هاذم؟ واذا هي عندها الامكانيات الي تخليها "تعمل على انو " لحظة 25" تكون كذا وكذا كيفاش يفوتها وقتها انو فما "زمرة" دايرين بيها وعلاش خلاتهم !
6.. تتحدث على أزمة سياسية خانقة وجاثمة لم تشهد البلاد مثيلا لها في تاريخها الحديث وازمة اقتصادية ومالية !! اي انت " اللحظة " "عملت ان تكون قطعا مع " يعني فسخت كل ما قبل 25 .. يعني انت تقر اليوم انو اللحظة الي انت صنعتها وصلتنا لازمة خانقة وجاثمة ! هذا اقرار ولا موش اقرار؟؟!
7.. نادية عكاشة تقول "لماذا لا تكون للإصلاح منهجية علمية وناجعة" ياخي انتوما كيف قررتوا "اللحظة" ما كنتوش محضرين منهجية "علمية وناجعة لما بعد اللحظة" ؟؟
موش كان المفروض انو مع اقرار اللحظة الي انت "عملت" على انها تكون قطعا مع كذا وكذا .. كان المفروض يكون فما خطة واضحة .. ومنهجية علمية وناجعة لما بعد 25 تخليكم من ناحية تخدمو بأريحية ونجاعة وتخليك انت تساهم في البناء الي تحكي عليه.. وما تخليش زادة مكان للزمرة !! وما توصلناش اليوم للازمة الخانقة والجاثمة ،؟؟ وخاصة تخلي البلاد على سكة واضحة ومستوية وسواء انت بقيت في منصبك ولا ما بقيتش.. البرنامج موجود؟
ياخي انتوما كيف قررتو اللحظة وانت "عملت على " .. كنتو محضرين برنامج عمل وفريق عمل ومنهجية كاملة ولا لا؟؟ خاتر اذا هذا الكل ما صارش نوليو نحكيو على زمرة بلحق راهو... "زمرة هواة وانتهازيين" !