وموش مصدقين انهم مع القيسون... وبمرسومو الإنتخابي باش يكونو... أحزاب تياسة. بعد أحزاب الديكور لبن على...أحزاب في بالها نصبت روحها بعد انقلاب 25...ديكور حزبي قيسوني جديد ولتوا موش فاهمين القيسون.. ويستناو في العسل من عندو... رغم ما عملو بعد 25 جويلية.... والأمر نومرو 117.. والاستشارة إلي طفاهم فيها... ومشاركتهم الوهمية والفولكورية في هيئة الشيخ بلعيد المنقلب عليه... وعليهم زادة... من القيسون في تحرير الدستور . وعدم اعتبارهم وقت نصب هيئة تزوير الإستفتاء... و النسخة الأولى من دستور القيسون إلي عملها وحدو وطلعت فيها 46 غلطة وتزوير عدد المشاركين في الإستفتاء من طرف الهيئة القيسونية المنصبة للإنتخابات..
وادعاءهم الفاريني المتناقض مع مقتضيات السيادة الشعبية.. وادعاء القيسون... ان الدستور القيسوني قبل بيه الشعب التونسي الذي يريد...وقت هو لم يريد... وما وافقش عليه ثلاثة أرباع الشعب!!! .. وهاذي من الكبائر... لأنها تعفيس بالجزمة َوبسياسة الأمر الواقع على السيادة الشعبية...وتزويرها.... ولي قامت من أجلها الثورة... لتكريس استحقاقات الثورة بعد عقود من الإستبداد. الخ.. موش موش ما نطولش عليكم…
لكنهم ديما كمام....الجماعة مواصلين.. منصبين أرواحهم ديكور لكل هذا الشيئ المخزي... والذي يندي له الجبين وبكل صحة رقعة.
وثمة شكون فاهمين.. لكنهم عاملين فيها موش فاهمين ويدزو فيها علينا.. باش يقعدو في الصورة الإعلامية... خاطرهم جبناء سياسيا... وما يعارضوش سياسيا الحاكم الفردي إذا كأنهم موش متفقين معاه في السر. وماشي في بالهم باش يكونو مع الحاكم الفردي القيسوني متاع اليوم... كيف أحزاب الديكور وقت بن علي.
وهاذم بنفسهم إما كانو ديكور عند بن علي... أو كانو ساكتين.. أو راكشين في النقابات.. وما يحكيو كان على فلسطين.. أو في المجتمع المدني وعاملين فيها مستقلين.. عن الأحزاب المعارضة لبن علي.. وموش مستقلين عن بن علي. وهاذم المهفاة... عندي شخصيا معاهم قصة حياة.. تحت الإستبداد .
لكن وقت يتعاود التاريخ... لازم باش يكون في شكل مهزلة.. عاد يقول القايل.. علاش هاذي كتبتها تحت عنوان حقوقيات؟ ...وقت هي تظهر سياسة... وتتعلق بأحزاب وكذا...
خاطرها مسألة حقوقية بالأساس... وبرشة يتعاملو معاها كمسالة سياسية لا تخصهم... خصوصا هاظوكم بعض جمعيات المجتمع المدني... الذيم هم عن صلاتهم ساهون. خاطر حق التنظم الحزبي... هو من صميم حقوق الإنسان.. وهو حق للمواطن بصفته مواطن... ولكل مواطن.. مهما كان. وخاطر لكل مواطن الحق في المشاركة في انتخابات حرة ونزيه وشفافة... ولإدارة الشأن العام في بلاده... عن طريق تلك الإنتخابات...وهذا حق للمواطن ... ولكل مواطن...مهما كان.... وموش بالإنقلابات كيف ما عمل القيسون.
وخاطر المواطنين إلي يعملو أحزاب... واجبهم توعية المواطنين....والمشاركة في الانتخابات لإدارة الشأن العام لصااحهم... وموش مغالطتهم بمساندة الإنقلابات على الشرعية... وترويج خطابات تضليلية.. ولعب دور الديكور للحكم الفردي.
وهذا لكلو راهو بازيك...موش من راسي... راهو مكتوب حبرا على ورق في الإعلان العالمي لحقوق الإنسان... يا أكارم... ولي ما قراهش.. ولي نساه...ولي تناساه.. ساهل ماهل.. يعمل كليكات عند الشيخ ڨوڨل. لكن وينها منظمات حقوق الإنسان في الميضوع؟
ياخي ماشي في بالها إرساء حكم فردي... ينتهك ابجديات الإعلان العالمي لحقوق الإنسان.. فيما يتعلق بحقوق المواطنين في العمل الحزبي... والمشاركة في انتخابات حرة ونزيهة وشفافة لإدارة الشأن العام... عن طريق الأحزاب المشكلة من مواطنين ... سياسة وموش قضايا حقوق انسان؟ ... وبازيك زادة؟
يا والله أحوال..
هذه الحقوق البازيك يا أكارم... لا يؤمن بها القيسون..بل يعاديها.... .ويقول فيها كل يوم... وهو يخطط الآن لينتهكها جملة وتفصيلا... وخاطرها من مكاسب الثورة إلي قاعد منذ الإنقلاب يفتق فيها من بعضها... وفي المرسوم الانتخابي إلي قاعد يروشك فيه وحدو في الغرف المظلمة...وباش يهبطو في ظلام الليل .. باش يهبط عليهم بالضربة القاضية... وهوما عاملين فيها موش هنا!!!!
فبحيث..
وَقت بن علي كانت ثمة بعض المنظمات الحقوقية المهتمة بهذه الحقوق الإنسانية... واليوم رغم تكاثر عددها بفضل الثورة...البعض إلي يتكلم... كان تكلم... يلزمك مكبر صوت باش تسمعو. ووقت بن علي.. كانت ثمة أحزاب ديكور بالفم والملا تعملو في الفارينة ... وفي المقابل يعطيها رخص... ونواب في المجلس هو يختارهم حسب رضوانو عليهم في انتخابات مدلسة وهوما يعملو فيها انتصرو ... وجرائد... وتمويل عمومي للجريدة وللحزب... وحتى رخص وافاريات فاسدة لبعض قياداتها....
لكن أحزاب الديكور الجديدة… باش يذبحها القيسون… بن علي الجديد… في صورة متخلفة تاريخيا عنه…برفض القبول بوجود أحزاب مشاركة في الشأن العام…لكن ديكورية في أنظمة استبداد…. هذا يعمل باش يمسحها من الساحة السياسية بأساليب تزويرية للإرادة الشعبية عن طريق المراسيم الفردية… المدبرة بليل.
وبمرسومه الإنتخابي المقبل… والذي أعلن عن مضمونه مسبقا… في الانتخابات إلي باش تنظمهالو هيئتو المنصبة.. باش يسكر علبهم الفانة… جملة وتفصيلا . يعني الجماعة حتى منطق أحزاب ديكور…موش مستوعبين انو يبطى شوية.
مازالو يتخيلو في رواحهم تقمصوه منذ 25… بالتخلي عن دورهم الطبيعي في توعية المواطنين…ومغالطتهم على طبيعة القيسون كيف ما عملو لحد الآن منذ انقلاب 25 .. مع التخلي عن العمل من أجل المشاركة في إدارة الشأن العام… حتى مع القيسون. موش يحبو يصدقو انو القيسون ما يقبلش بيه دور الديكور …رغم انو قالهولهم مرار!!!!
عاد آنا شخصيا أقترح نتخلاو عن وصفها بأحزاب ديكور… خاطر العبارة الصحيحة.. والمستمدة من تقاليدنا المجتمعية العريقة…. هي وصفهم بأحزاب تياسة.