الشائع بيننا تويكا ، نحن خصوم الاستبداد العربي وانصار الحريات والتداول السلمي على الحكم بين الأحزاب والايديولوجيات ( الذي نسميه الديمقراطية ) ، ان غياب المساندة العربية لغزة سببه غياب " الديمقراطية " . لماذا تموت الشوارع العربية ؟غياب الديمقراطية ...لماذا تتراجع الحركة الطلابية ؟ غياب الديمقراطية ...لماذا لا تعم المقاومة العالم العربي ؟ غياب الديمقراطية.
طيب : يتشكل الان محور المقاومة من دولة راعية وجبهات متعددة حول فلسطين ...هل ايران ولبنان والعراق واليمن ديمقراطية ؟
الموقف الصيني والروسي وبعض دول امريكا اللاتينية من الحرب على غزة والمتعاطف والمساند نسبيا للفلسطينيين مقارنة بالموقف العدواني لدول الاطلسي .هل الفرق بسبب الديمقراطية ؟ ..من هو الديمقراطي ؟
تركيا وجنوب افريقيا وباكستان والكويت مثلا يعني ...النظم فيها ديمقراطية ام لا ؟ لماذا تختلف مواقفها ؟ السعودية والامارات وقطر ..هل يختلف النظام السياسي بينها ؟ الموقف القطري علاش متميز على الزوز الاخرين ؟ هل لان قطر دولة ديمقراطية ؟
الحركة الطلابية والشارع السياسي والنقابي في عهد بورقيبة وبن علي ...هل كان رد فعله غائبا وقتها ؟ هل كان العهدان عهد ديمقراطية ؟
هذه اسئلة خطرت وتخطر على ذهني دائما ...عندي فيها بعض اجوبة ...لكن نحب نشارككم التفكير بصوت مرتفع ....اقرأ لبعض اصدقائي بعض محاولات في اتجاه الاجابة على هذه الاسئلة ...ما تقنعنيش ...اما هانا نفكرو مع بعضنا .
وثمة زادة ناس اخرين يقلك لا ديمقراطية لا وذني ....يلزم تيار كبير عندو زعماء وطنيين وعندو ايديولوجيا وطنية كبيرة وجامعة تعبئ الناس وتحرر الدول والنظم من العمالة والارتهان وتبني نظما وطنية متحررة وقوية كيما عند الرواسة والشناوة والايرانيين والباكستانيين وحتى الاتراك وتكون دولة عربية قوية تستعيد الامجاد وتقود التحرير الوطني الشامل …
رجعنا لنفس اسئلتنا الكبيرة الي تكتبت فيها برشة كتب وتكونت حولها برشة مدارس فكرية عربية :
ماهي مداخل التحرر الوطني واسترجاع السيادة الوطنية وبناء تنمية اقتصادية قوية ومستقلة ونهضة علمية وتعليم قوي وجيش قوي وعدالة اجتماعية وتربية شعب يؤمن بقيم العمل والانضباط ومستعد للمقاومة ومليان بالعزة القومية .. بالاسلام ؟ بالماركسية ؟ بالقومية العربية ؟ بالتداول على السلطة والحريات اي الديمقراطية ؟
اش عملت البلدان الي توة نشوفولها كنموذج متاع دول قومية قوية حرة في قرارها وصامدة في وجه الامبريالية وشعوبها مستعدة للانخراط في القضايا الكبرى ؟ عملت ديمقراطية والا حاجة اخرى ؟ اذا حاجة اخرى شنية ؟ اذا ديمقراطية كيفاش عملتها ؟
برشة اسئلة ...الحقيقة ترجعنا الى نفس اسئلة مفكري الاصلاح والنهضة في اواخر القرن 19 وبداية القرن 20والي بعد عاودت طرحتها التيارات الكبرى : الاسلامية والعلمانية القومية والماركسية في النصف الثاني من القرن 20 ...وهانا توة نعاودو فيها بعد اغلاق قوس الثورات …
من أين نبدأ ؟ السؤال الازلي للعرب …
المقاومة العربية بجبهاتها المختلفة هي اليوم في الحقيقة تجارب ناجحة وقاعدة تنتصر وتحقق في مكاسب اكثر من الاحزاب والدول ...ناجحة عالاقل في كونها باش تجبر القوى الدولية باش تسمعها وتتفاعل معاها في ترتيب شؤون المنطقة ...فصائل المقاومة اليوم جماهيريا وتنظيميا هي اقوى المكونات السياسية والاجتماعية في العالم العربي رغم حداثة تكوينها....راهي اغلبها جماعات وتنظيمات ومنظمات تكونت في اواسط الثمانينات وبإمكانيات ضعيفة ...اليوم تحكم في المنطقة ومش باش يصير حتى شيء الا برضاها ....في حين احزاب ودول اكبر منها في العمر والامكانيات تظهر خارج الحسابات ...علاش ؟ اش عملت ؟ شنوة المنهج الي اعتمدته ؟ ...الديمقراطية ؟ الزعيم ؟ ..ادوات الحكم ؟ وسائل الدولة ؟ ....تقلي مش كيف كيف ؟ ايه فاش مش كيف كيف ؟ فسر لي ..
بالطبيعة نشوف في اجوبة متسرعة تحاول تستخلص من درس المقاومة ....اما كيف نمخضها نلقاها في اخر التحليل تعاود في نفس الاستخلاصات اعلاه : الديمقراطية هي الحل....الاسلام ...الشعبوية الماركسية والا القومية والا الشعبوية والدولة القوية والقائد الملهم هو الحل ...الخ الخ ...يلزم نتناقشو ...هيا نتناقش …