تعالت الأصوات داخل حزب نداء تونس، فرفعت شعارات كوميدية استهزائية، ضد نجل سيادة رئيس الجمهورية الباجي قائد السبسي "شد علينا ولدك"،و انا لم افهم لمذا هذا كله ؟
ابن سيادة الرئيس هو شخص محترم بنسبه، بلدي بلغة التوانسة، مهف، بلغة الزبرطعية،،،قاري في الخارج قراية فرنسا،،،شنوة الريق هذا،،،قالك،،شد علينا ولدك،،،ياخي اش بيه ولدو اش عمل؟ياخي ناس بكري يقولو منين هاك العريف ماهو من هاك الشجرة ،،،و يقولو زادة،،،،النار ماتخلفش الرماد،،،،و بلغة الضاد، ذاك الشبل من ذاك الأسد،،،ياخي الماء الي ماشي للسدرة ماهي الزيتونة أولى بيه ام لا ؟
أليس من حق الرئيس، ان يورث ابنه لخلافته، الم يفعل ذلك معاوية لما ورث يزيد، لخلافته خوفا على مصلحة الدولة الأموية ؟ألم يعد حافظ الأسد، ابنه باسل الاسد، لكنه عند وفاته اثر حادث مرور استقدم اخوه بشار الاسد، فأصبح رئيس سوريا ؟جمال مبارك ، ولد بوه حسني مبارك و كيف كيف سيف الاسلام القذافي؟ و الأمثلة عديدة و متعددة، الم يكن هناك في سوريا ،دستور و في مصر دستور و في البحرين و ليبيا و كل هاته الدول تحترم شعوبها ،لان الحكم فيها، هو حكم ديمقراطي،ياخي جات على تونس ؟
و الان لا ادري فيما يلومون الأب عن حب ابنه، بحيث بعد ان اصبحت القاعدة لدى الحكام العرب "لن اترك الحكم حتى اموت "اصبح اليوم "لا حكم من بعدي الا لولدي " و من منا يكره ولده؟
لست الاول و الأخير سي الباجي ، فقد انتخبك التونسيون بالملايين ، وهم منحوك الثقة و من اجل هاته البلاد، أنيط دستورها و حكمها بمهامكم ،بعد اداء القسم، نحن ننتظر بيعة نجلك، من قبل الملايين ان لزم الامر ذلك،ياخي هو اشب من المرزوقي و من بن جعفر و من الشابي و عندو ميزة ماعند حتى واحد ،راهو صغير و ترنكوش و قاري في الخارج، سيدي الباي، حط ولدك و اش عليك ، كان لزم قول لباش حامبة ،يجيب الفلقة للزوفرة الي يشدقوا بالديمقراطية،حطو و عينك مغمضة كيف قالولك التوانسة انت بوهم، اختار واحد من اولادك ، وَيَا سيدي اختار حافظ ماهو ولدك البيولوجي ، حتى في الدين لا حرم الله وارثا، الحاصل انت اكبر واحد في تونس و تعرف ، تصرف وحافظ مالو كان ولدك و ولدنا ، تونسي و بلدي وصغير و ترنكوش و حليلتو، توكل على الله و ربي معاك و اش عليك فيهم و أنساها حكاية "شد علينا ولدك".