الماكينة الي رقدت في فترة رئاسة الراحل الباجي قائد السبسي رجعت تخدم بقوة جهدها . الشهرية متاع الرئيس ماهيش 30 مليون بل 17 مليون و لو كانت كذلك شبيه الباجي كان يتقاضى هذا المبلغ و كنتو ساكتين ؟
السيارة الي هزت قيس سعيد لقرطاج بالكش جابها معاه زهاز في كنسترو ؟ هي سيارة مؤسسة رئاسة الجمهورية و الباجي كان يستعمل في سيارات الرئاسة.
الحملة بدأت بكري و الماكينة مزيتة.. شبيكم راهي تخدم منذ عقود و لها مهام عديدة: فهي مكلفة بتجميل صورة الجماعة الي متصورين رواحهم امالي البلاد و هم الأجدر بالحكم وهي في نفس الوقت مكلفة بتلفيق التهم و بتشويه كل من لا يدخل في المنظومة و يعطي الطوع .
جيبو الرمادي و البنفسجي و الابيض و القزوردي.. ماكينتكم أعجز من أن تلوث الشخص .. ثم نحن نبدا اليوم صفحة جديدة و اذا تخلفتم عن مواكبة التغيرات التي تحدث عندنا ، فلن تكونوا من اصحاب القرار في المستقبل.
عجلة التاريخ لا تسير إلى الوراء. هذا قانون طبيعي. ومن يقف في طريقها تدهسه مهما حاول أن يتحداها.