هذا موش قانون "الأخلقة" هذه الأخلقة بذات نفسها…

الناس إلّي عندها 3 سنوات تتفرّج على مسلسل أرطغرل ومُدمنة على مُسلسل عثمان لا اظنّ أنكم ما فهمتوش العربية القحّة متاع قيس سعيد... لكن هاني باش نعمل ترجمة فورية وبالدارجة التونسية…

أولا: يا مجلس نوّاب موش تحبّوا تخدموا وحريصين على تنقيح المجلة الجزائية وما تحبوش تفوّّضوا رئيس الحكومة باش يصدر مراسيم لتفعيل الإجراءات الردعية ... هيّا تفضّلوا اصنعوا تشريعات تضرب بكلّ حزم على أيدي المحتكرين ومصّاصي دماء الشعب...

ثانيا: يا جماعة "المصالحة" يا من نهب ثروات البلاد والعباد وصرفتوها على اليافطات والقراطس متاع الحملات الإنتخابية تفضّلوا رجّعوا فلوس الشعب. عندكم فرصة تاريخية للمصالحة الحقيقية. هيّا نواب الشعب ورّونا شطارتكم.

هذا موش قانون "الأخلقة" هذه الأخلقة بذات نفسها… لكن بالطبيعة برلمان فيه كناطري ومُحتكر ومُتهرّب … نائب مكدّس السميد في دبّو ونائبان هرّبوا أقاربهم من الحجر الصحّي ونائب عنده مخبر أدوية فاسدة ونائب عامل صفقات مشبوهة وبايع أملاك الدولة لحسابه الخاص… موش باش يعجبهم الحديث.

خدمت الماكينات للتضليل والتعويم… وقيّد على ما فهمناش. فهمتوا ملييييح أما تغطّوا في عين الشمس بالغربال.

خسارتك يا قيس سعيد "الفكرة" تمرجها وتغصورها حتى تقتلها… كلّمهم بالفصحى واختمها بجملة سياسية من قاموس المرحوم….