قالك واجب سحب الثقة من النائب الي يخون ناخبيه...وبرشة يعاودو فيها... ويطالبو بيها... وثما حتى الي يروجو فيها...ونحس فيهم موش مقتنعين بيها... آما جيست خاطر النهضة ضدها... ههههههه ايجاو نحكيو عمليا وبالرسمي.. وبدون عبارات هولامية شعبوية..
1-التصويت سري...كيفاش نعرفو شكونهم إلى صوتو للنايب وخان الثقة إلي حطوها فيها؟ وعندهم الحق يعملو عريضة سحب ثقة منو... خاطر مستحيل يكون صوتولو كل الناخبين بالدايرة ..
2-إذا كان إلى هذا عندو الحق يطالب بسحب الثقة من نايب دايرتو... بالطبيعة الي ما صوتولوش باش يطالبو بيها... حتى لوكان يكون احسن نايب في البلاد…
3-قداش من إمضاء يلزم يتجمعو لسحب الثقة؟ وهل حسب عدد المرسمين في القائمات الانتخابية؟ ... أو عدد المقترعين في آخر انتخابات؟ ... أو الأصوات المصرح بها؟ ... أو الأصوات التي تحصل عليها النايب؟ إلخ... يعني شكشوكة..
4-وإذا كان النايب المستهدف يجمع إمضاءات مساندة ليه أكثر منهم؟ هاو يطلع رابح... ههههههه
5-وإذا كان النايب فاسد وطلع نايب بشراء الأصوات... أو توزيع المقرونة... او الإعانات والهبات في المواسم وكباش العيد والزكاة وقت الحصيدة ... ولاّ يخدم كنترا أو إقتصاد موازي ومخدم بطيون من الموزعين والبائعين... الخ...ماو باش يعاودها في تجميع الإمضاءات...يعني تولي الحكاية فسفس وتشجيع على مزيد من الفساد...
6- والأخطر... أنو ما عادش يبقى استقرار نيابي..يعني السلطة التشريعية الأصلية تولي غير مستقرة...كل يوم ممكن تتغير يخرجو نواب تسحبت منهم الثقة.. ويدخلو نواب جدد... والأغلبيات تولي متغيرة...
وسلملي وقتها على الاستقرار الحكومي... وعلى سن القوانين... ومراقبة السلطة التنفيذية...خاطر وقتها حتى شيئ ما يمنع خصوم كل نايب فاز بالأغلبية من استعمال سلاح سحب الثقة ضدو... وهو ينجم يكون حتى مازال ما أداش القسم...ههههههه
ملخر؟ ... يعني فوضى في فوضى أوكرّي... غير قابلة للتطبيق…
وبرا زادة لوج على نزاهة الانتخابات.. خاطر ينجم حتى النايب النظيف الي يحرك مستنقع الفساد في دايرتو... يسحبو منو الثقة أباطرة الفساد عندو ويعوضوه...ههههههه... إلخ...خاطر مازالت الخرافات الشعبوية إلى ما تدخلش لطاست مخي...وكل ما نقراها مرتي تقلي شبيك تضحك وحدك.. ههههههه
المرة الجاية باش نضحك برشة على مزايا التصويت على الأفراد في المعتمديات... ههههههه
أيها الرئيس السعيد…
أنت تعلم أن الدساتير الديمقراطية أوجدت آلية سحب الثقة.. ولكن بحل المجلس وإعادة الإنتخابات النيابة...ولا على مستوى الدوار التشريعية الانتخابية.. وذلك إما يقوم به رأس السلطة التنفيذية.. او يحل المجلس نفسه بنفسه... ومن بينها الدستور التونسي...وانت سيد العارفين...
فكفى شعبوية... يرحمكم الله..