السيد يتكلم باسم اليسار...وهو في النداء ويدافع على طرح التجمعيين للعنكوش في العدالة الانتقالية...ونسى في كلامو ما عاناه اليسار من قمع وتعذيب ومحاكمات وتشريد وتجويع... زمن بن علي...وخصوصا زمن بورقيبة…
وزيد كان مدافع شرس على قانون تبييض الفساد متاع السبسي...في المجلس....ضد اليسار...ههه وزيد زادة قال اليوم عنا ثلاثة شخصيات في تاريخ تونس لا غير...بورقيبة وحنبعل ويوغرطة…
في بالو يقفف للسبسي الي داززها علينا بالبورقيبية... ياخي عمل غلطة العزا...نسى يذكر السبسي رابعا...ما حطوش بعد بورقيبة...ههه
وقت بن علي النائب هذا ترشح للمجلس سنة 2009 رئيس قائمة...وقالي شخصيا وقتها أنو متأكد بش يولي نائب.... وقت بن علي كان يدلس الإنتخابات ويختار نواب المعارضة...خاطر وعدوه...ههه
السيد حط لحصيرة قبل الجامع ولبس كوستيم وكرافات على غير عادتو…
وصبح يحوص بيهم في البلاد وفي الحملة الإنتخابية....في طاست مخو ولا سيديجا نائب في مجلس بن علي...ههه ياخي بن علي جبد بيه....هههههههههههه
اليوم بالتقفيف للسبسي يحب يضمن أنو بش يامنلوا بقعة في الإنتخابات التشريعية لسنة 2019…
أما يا ويلي…نتصور الي السبسي بش يطفيه بعد ما غفصها…وما حطوش في مقام حنبعل ويوغرطة وبورقيبة…هههههههههههه