كثرولها الثورجيين…وعملوا العار…وقتاش يغيروا دعايتهم؟ الشعب طالب برنامج يبعث فيه الأمل و يقتنع بيه… خاطرو يحب يحسن حياتو… ولي موش فاهم هذا يمشي ينظرعلى اهالي المريخ…إن وجدوا..
الشعب التونسي هذا أذكى منهم…. الشعب ما هوش ثورجي يا مهفاة، إلي يحسبوا في رواحكم منظرين… هو يحب ياثق فيهم…بمقترحات تحسنلوا حياتو….وهوما في كل مرة يحبطوه…
وزيد الشعب ما يحبش العنف…حتى العنف اللغوي ما يحبوش…خاطرو متحضر…. الشعب هذا يعرف إلي سبانهم للي يحكموا فينا…موش هو إلي باش يوكلوا الخبز ويحسنلوا وضعيتو….
وقتاش باش يفهموا…يا الاهي؟
صارت زوز انتخابات منذ الثورة….خسروها بالضربة القاضية…وهوما لتو ما تبدلوش وما يحبوش يتبدلوا…مطلغين…. ثما مثل تونسي يقول: الأولى عسل والثانية سمن…والثالثة زفت وقطران…. بربي إذا كان الأولى والثانية ما كانتش عسل وسمن…زعمة الثالثة اش بش تكون؟
يا اشاوس…الكلام والتبهبير ما يبدلش أوضاع الشعب…. وقتاش بش يفيقوا؟…الدعاية وقت معارضة الاستبداد انتهت منذ الثورة…وهوما مازلوا مفرمتين عليها….
اليوم ذراعك يا علاف…شكون يقنع الشعب خير من غيرو باش يحسنلوا حياتو…شعندك وش عندهم…. والواضح أنو النداء والنهضة لعبوهالهم…ياخي دوروها كان سبان ضدهم…كيف العاجز المقهور…وربما بش يغطيو على عجزهم…
هردتونا وهردتوا الشعب وهردتوها استحقاقات الثورة…وراهو موش هوما المسؤولين…أنتم….مادامكم مقتنعين وتقولو فيها كل يوم الي هي خاطيتهم…استحقاقات الثورة…
وفوق لكل…تحبوهم يحقوهالكم في بقعتكم استحقاقات الثورة…ولا تسبوهم أكثر من هذا الغباء مستحيل.. كثرلتوها…ووقفت الزنقة للهارب.. كابيتو؟….