تجي تحاول تحلل في واقع اليسار وتحاول تفهم... إنتي وغيرك شنية العوائق الي ادات للفشل وشكون مسؤول عليها...وتحاول تقترح مخارج...لفائدة الشعب والبلاد…
ينطقلك شكون يتزايد عليك...من أبواق الدعاية يعاودوا في كليشيات يرددوا فيها كي الديسكوات المكسرة…
وهذه بعض الأمثلة...وغيرها كثير:
قالك اليسار مفهوم عام... ولا غامض...والحزب الفلاني والحزب العلاني موش يسار...والمناضل الفلاني والمناضل العلاني موش يساريين... وهو يقصد الي حزبو وحدو يساري والمناضلين الي في حزبو وحدهم يساريين...من غير ما يتجرأ يقولها خاطر هاذي يلزمها شجاعة…
إيه وخوي...كانك خارج جوقتك لخرين لكل ما يلعبوكش وانتي وجماعتك وحدكم المهفات... فاش قام ترد؟
شد ببوشتك...عفوا الشقف متاعك النقي...وخلي كلامك وخصصوا لجوقتك النقية في الغرف المسكرة النقية...وواصل في الفشل متاعك النقي...وفي مسار الانقراض التاريخي النقي…
المهفات من النوع هذا لتو موش فاهمين أن اليسار يتحدد ويتجدد حسب الظروف الموضوعية والتناقض الرئيسي في المجتمع...ويترجم ببرنامج سياسي لا غير...وموش بحوانيت...وزيد تغني في شعارات وجمل رنانة…
خاطرهم لتو موش واعيين شمعناه ان السياسي هو المحدد؟...وموش الشقوفات إلي هوما فيهم... ولا يقلك يسار الربوة... ربوة؟...هههه علاش تحب نجبدوا السيفيات؟
سيب عليك وخي…
بالمنطق متاعك....راك تلعب في الأصناف السفلى....وموش من اليوم... خاطرك موش فاهم لتو إلي اليسار التونسي موجود منذ عقود في المجتمع التونسي في مختلف فعالياته المدنية والاجتماعية والثقافية... ومتكون من آلاف المناضلين المضحيين يوميا من أجل بلادهم وقضاياها العادلة...ومعظمهم تكونوا في اتحاد الطلبة.... وهوما صمام أمان البلاد منذ الاستبداد...وبعد الثورة…
وهذا موش كلامي بركة...كلام النهضة والنداء...ولا ما تعرفش؟ ولذا ما تتزايدش بالنضالية...خاطرني أنا نعرف وإنتي تعرف...الي انتي باش تطلع خاسر…
وانا شخصيا امتعض كثيرا من المزايدات الصبيانية بالنضالية...خاطرني نعتبر أن كل حجرة يحطها مناضل مهما كانت صغيرة وحسب ظروفو وقدراتو هي مكسب لليسار ولتونس... وتجربتي الشخصية في الحياة علمتني أنو ما يتزايد بالنضالية كان إلي عندو عقدة نضالية شخصية...كيف هاك الثوار الكبار متاع بعد الثورة..
ونعرف برشة سيفيات نضالية…ولكني ما نشخصش الأمور… وخصوصا وخينا يتجاهل…وهاذي أول عنوان فشل متاعو قبل لخرين إلي لحقوا بالجرة… ان قلة قليلة من هؤلاء المناضلين اليساريين منضوية في الأحزاب القائمة منذ الثورة…وهذا من أسباب فشلها التاريخي… لأن أغلبيتهم واعية ان ليس لتلك الأحزاب مستقبل ولن تحقق أهداف الثورة…وجربوها بنتائج انتخابات المجلس التأسيسي…ولا نذكرك بالصفر فاصل؟
ولا يقلك صحيح عملنا أخطاء…وباش نصلحوها…ويمر عليها مر الكرام…وعمرو ما يذكرها وما يقلك كيفاش تتصلح خاطرو موش فاهم شمعناه نقد ذاتي… وخاطر هاذي تتطلب جرأة… وخصوصا باش يلقا روحو يعاود في كلامك…
وخصوصا خصوصا ما يساعدوش كيفاش إنتي فقت بيها قبلو الأخطاء وأعلنتها وتحاول تصلح الأمور….وهو جاي مخر…. ما يخرجش عليه المهف…هو الطليعة…..الوهمية….في مخو….وانتي الجسر الي يحب يعفس عليه…ههه…
وراني باقي متربي…حفاظا على شعرة معاوية…
وللحديث بقية…