لو كان جينا عارفينكم رجال..

لو كان جينا عارفين الي هوما باش يوقفوا معانا في الشوارع وقت الي يجد الجد، ويدخلوا لحبوسات ويموتوا مع الرجال في غرف التحقيق وفي السجون وفي مقرات البحث مجهولة الزمان والمكان، ويثبتوا كيما ثبتت الرجال والحراير،

لوكان عارفينهم وقت الي تِزْوي الشينيول وتلمع خيوط الضو ما يgعgعوش، ويبيعوا الملمة والي ثمة.. لو كان جينا عارفينهم رجال والله نموتوا جميع والا نعيشوا جميع.. وربي لعزيز يهون كل شيء، جلودنا تعودت على الموت كيما تعودت على والتعذيب.. والجنائز شيعنا منها كثير باخلاف المفقود الي ما تشيعش..آه لوكان جينا عارفينهم رجال..

أما اقسم بالله دوب ما يستتب الامر للدكتاتورية من جديد ويُنزر عليهم "ربهم" الجديد، يسيبوا كل شيء من يديهم، يمسحوا بروفيلاتهم، ويدوروها ستار اكاديمي، لشكون صوتت انت؟ شفت هاك الصوت متاع الأردنية.. لا لا يا راجل متاعنا خير منها غير مربوث وبرا.. وكي يقلقوا يرجعوا للارشيف يتفرجوا في انا كريستينا واليخاندرو.. وساعة ساعة يعملوا ضربات بروموسبور..ويقعدو هكاكا يطلفحوا بين الرمي والبيلوط والربوخات..

حتى تتعدى 23 سنة اخرى ثمش ما ينوب ربي بثورة أخرى يبيعوها مرة اخرى.