قلنا من اليوم الاول للانقلاب ان مَثَل الانقلاب ومسانديه هو كمثِلِ سارح خالته، وان صراعهم سينفجر قريبا، واليكم خارطة الشّهاوي التي علّقها كل فريق على الاخر:
سامية: يحشي سعيد الخوانجية في الحبس ويخافوا جماعة قلب تونس يدخلوا في كتلتنا ويرجّع البرلمان ونعملوا الحكومة القوية والعادلة.
- الاتحاد : يكشفنا سعيد ان الخوانجية قتلوا بلعيد ونحلوهم هم والكرامةونحشوهم في الحبس ونقودوا الحوار ونعملوا دستور وننقذوا البلاد ولربما نزيدو ناخذوا زايزة.
- الشعب : يحل سعيد النهضة ويكشفنا على انهم قتلوا البراهمي ونمشوا لانتخابات مبكرة ونڤولوا احنا رانا جماعة الرئيس ونغوّصُوا في " الشاباب" والتنسيقيات ونجوا الاولين ونولوا نحكموا في البلاد.
- عبير : يرتحني سعيد من الخوانجية ويرجع لدستور بورقيبة ونعملوا انتخابات نجي الاولى في البرلمان وماهوش عجب نولي رئيسة.
المنظومة العميقة: نزغرطوله في وذنه باش يدمر كل شي ويرتحنا من ها الديمقراطية والمؤسسات ويدخلها في حيط وبعد ميمونة تعرف ربي وربي يعرف ميمونة.
- قيس : كل ساعة نعمل فازة متاع سيادة وفساد وكذا وما نمسش الخوانجية باش ديما يبقوا على امل الي ان نتمكّن ونعمل مشروعي الجديد وندخل التاريخ ونعمل حاجات تاريخية ونولي شخصية تاريخية ويكتب علي التاريخ ويتورخلي قراراتي التاريخية.