من أنتم؟

حكايات ما عادش تتهز بمقص النار... .متاع ثورة مضادة. توا بربي موش باش يحشمو على أرواحهم هاذم ؟ ياخي خاطرهم يكرهو النهضة... يلزمهم يخربو البلاد... ويرجعوها لاستبداد رجعي متاع مقاصد قروسطية؟

"ينظرو" بكل وقاحة عن جهل مدقع ...لجريمة الإعتداء على هيئة الدولة الديمقراطية المضمونة في دستور الثورة لسنة 2014؟ وهاذي راهو باش يجي نهار ويمثل كل الضالعين فيها أمام قضاء عادل... الدنيا كيف الريح في البريمة في مراحل الانتقال الديمقرلطي...

وزيد يا بوڨلب يدافعو على دستور متاع حكم فردي رجعي مستبد... لنسف قيم المواطنة... وقيم الجمهورية المضمونة في دستور 2014.. وزيد لدسترة انتهاك حقوق الإنسان الكونية والشمولية في أبعادها المدنية والسياسية والاجتماعية والثقافية والبيئية المضمونة في دستور 2014..

وزيد للتخلي عن دسترة المساواة بين المواطنات والمواطنين بدون تمييز... المضمونة بدستور 2014... وزيد للقضاء على الدولة المدنية التي تأسست في تونس بفضل دستور الثورة... في 2014...

وزيد... لإخضاع التشريع المتعلق بالحقوق والحريات في الدستور القيسوني لمقاصد الإسلام... كما يفهمها وينظر لها الحاكم الفردي المطلق القيسوني حسب أهواءه... والذي لا يوجد من يراقبه...كيف في ايديولوجية حزب التحرير متاع أمير المؤمنين...

وزيد يا بوڨلب عاملينلي فيها تقدميين. من أنتم؟ برا وهف ثوري يهزكم غدوة... يا رجعيين.

الغباء ان "تنظر" وتدعي في العلوم السياسية معرفة... وأنت لا تفقه الفرق بين دستور 2014 المدني والديمقراطي والتقدمي وذي البعد الإجتماعي.. وبين دستور القيسون المنزل...الرجعي للحكم الفردي الإستبدادي...والمأسس على فهمه للشريعة..

يا والله احوال.