يادين الرب...ثلث قرن استبداد وديمقراطية مشوهة... وما كفاتمهش بش يستوعبو... هههه …توا وقت حزب كيف حزب العمال...يذكر مثلا بأسس موقف قديم من بداية التسعينات ضمنو وقتها في برنامج حريات سياسية..
ويقول اليوم فيه بعد ثلث قرن... ان مجتمع فيه حرية وديقراطية ولو كانت مشوهة وفيها فساد... خير من نظام حكم فردي فاشستي...يكمم جميع الأفواه ويلقي بكل معارضيه في السجون في محاكمات جائرة...ويمنع الطبقة العاملة والفئات الإجتماعية المضطهدة من الدفاع عن حقوقها ضد الاستغلال والإضطهاد بالحديد والنار والمحاكمات الجائرة…
ويقول أن المستفيد من الحرية هي أساسا الطبقة العاملة والفئات الإجتماعية المضطهدة...وبدونها لا تستطيع الدفاع عن مصالحها المادية والمعنوية... وهذا معناه زادة بالتبعية... أنو ما ثماش محاكمات تظهر الحقيقة...إلا لما تكون عادلة في مجتمع ديمقراطي وأما قضاء مستقل...ميكانش يستعملها الحكم الفردي لمنفعته الخاصة وموش لإظهار الحقيقة…
وللعلم...هذا راهو موقف بازيك...وموش كان موقف حزب العمال...هو موقف اليسار العالمي المعاصر...وبتعدد مشاربه...في مختلف القارات... ويعطيه الصحة حزب العمال وقت يعاود يذكر بيه…
لكن وقت تلقى ذري متاع شمولية... متربيين على ثقافة التوحش الموروثة من تاريخ مجتمعنا الي حاربها فكر النهضة منذ وقت طويل... وتعنعن في فكر شمولي...ويسبو ويشتمو وكلاكشهم طالعة...في عوض يناقشون الموقف بهدوء...هههه…
وثمة حتى شكون منهم بكل حمق.. كان موش بتسوقيط ويعرفو أنها سقوطية... يوجهون اتهامات على الطريقة التفسيرية الإخشيدية...وكيف ذبان العلو الشاهق... ويستعملون بكل وقاحة في أسماء الشهداء إلي واجهو استبداد بن علي للدفاع عن الحريات والمحاكمة العادلة...باش يركبو عليها... فيرذلو ذكراهم بمواقفهم الشمولية... وقتها تقول شنوا هذا يا بوقلب؟ ياخي الحضيض والسفالة يوصل للدرجة هاذي؟ وبعد بينك وبين روحك...تقول الشيئ من مأتاه لا يستغرب...هههه … خاطر ما يحبوش الديمقراطية...هههه …
ولأنهم يحبو الحرية ليهم وحدهم...وموش لخصومهم السياسيين...وهاذي هي المواقف الفاشستية السياسية ... يعني مجراب وهمزتو مرافقو...هههه …
فبحيث....نظروت جهلوت...ما يعرفوش أنو في مختلف بلدان العالم...ومنذ تشكل الطبقة العاملة في مختلف البلدان..هي إلي فرضت الحريات في مجتمعاتها على الطبقات الحاكمة المستبدة عليها...بتحالف مع الفئات الإجتماعية المضطهدة كيفها...بمناسبة النضال ضد الاستغلال ومن أجل حقوقها الإجتماعية..ولأنها كانت في حاجة ليها من أجل ذلك...ههه … وطبعا أيضا لأن الحربة حقوق طبيعية لكل إنسان...منذ الإنسان البدائي..فالناس يولدون أحرارا.....ويستبد عليه من بعد الحاكم والمجتمع الذي ينظمه ويشرع قوانينه…
وفازة الناس يولدون أحرارا ...نعرفوها منذ 14 قرن في مجتمعنا...والجماعة يا بوقلب لتوا موش فاهمينها...هههه هههه… وحكى عليها زادة انقلز في العكري...في كتاب "أصل العايلة والملكية والدولة"...زعمة سمعو بيه؟ ههههه …
وزيد برشة منهم هاذم يجهلون..ان المدارس الفكرية اليسارية كانت تاريخيا إلي جانب مدارس أخرى ديمقراطية (وموش ليبرالية فهو مصطلح تعميمي وسياسوي) ...كانت طرف فاعل في تكوين منظمات حقوق الإنسان والانخراط فيها...بمن فيها تونس... لكنهم حتى كان قراوها كلكوبار...يتناساوها ههه… وإلا يقولولك حقوقيبن هاظوكم...واحنا سياسيين..هههه…
وكأن السياسات اليسارية موش برامج للدفاع عن حقوق الأغلبية العريضة للمنتهكة حقوقهم في المجتمع...كل حقوقهم الشخصية والمدنية والسياسية والاجتماعية والثقافية والبيئية ...هههه … وكأنهم يقولون ما تاخذوش عليهم الحكوكيين... هههه … يا والله حمق...ويا والله أحوال...هههه …
والشي إلي يهبلك بسبب حمقهم...أنهم ما يعرفوش ان الفاشية ما تنجم تغتصب السلطة إلا بخطاب شعبوي يضلل جزء من الطبقة العاملة والفئات الإجتماعية المضطهدة...وأنهم وقت يساندو حكم فردي متسلط على الحريات...يعاونوه على تضليل الطبقة العاملة...هههه...تلقاهم قارين قرامشي بالدياقونال...هذا كان قراووه طبعا...هههه … وموش شايفين انو لما يزول مفعول التضليل...يسقط النظام الفاشي...وتولي ضدو نقمة كبيرة…
تعرفو دكتاتور ما كملش حياتو في الحبس...وإلا هرب...وإلا قتلوه إلي ضللهم هو وأزلامه..وهوما ديما إلي أكثر نقمة عليه؟ تي نسيتو سيديجا بن علي ومن معه...أيها الحمقى؟ ههههه… ونسيتو شكون حب ينكل بيه...وشكون طالبلو بمحاكمات عادلة هو ولأزلامه؟
عاد آنا يضحكوني برشة هاذم إلي عاملين فيها يساريين...وهوما شموليين ولا علاقة لهم بالفكر اليساري إلي من أسسه النضال من أجل الحريات والديقراطية...ويقول ان في كل مجتمع توجد طبقات وفئات اجتماعية مصالحها متناقضة ...وعندها بالضرورة تعبيرات سياسية مختلفة...وأن الطبقة العاملة مستغلة ومستبد عليها من طرف الحكم...وما يعرفوش ان هذا موجود في البيان الشيوعي..تلقاهم زادة قاريينو بالدياقونال. هههه…
ويضحكوني برشة وقت يعملو فيها يساريين...ويقلك هاذي ليبرالية...وقت تنظيرهم فاشستي...ولا علاقة له بالفكر اليساري...هههه… عاد هاذم ردو بالكم منهم... لوكان يشدو الحكم...بش يكونو بالضرورة فاشستي عاد هاذم ردو بالكم منهم... لوكان يشدو الحكم...بش يكونو بالضرورة فاشستيين...هههه..ولذلك يساندو في الانقلاب والبني القاعدي...جماعة 25 اولاد عم...والطيور على أشكالها تقع..هههه …
يا والله أحوال...هههه
وهاذي ما هيش مشاكسات يسارية خاطر موش نحكي مع يساريين...وإنما ضد كل ما هو شعوذة شمولية في الجملكية العظمى .