ثما نوع من الوعي العام يخلينا وقت نبداو في مسيرة كيما متاع اليوم ..الناس الكل تنادي بنفس الشعارات لإسقاط منظومة الإستبداد و الظلم و مع الحريات و إطلاق سراح كل السجناء السياسيين .. الناس الكل مواطنين يحبو يعيشو المواطنة متاعهم كاملة .. ما ثماش إنتماءات ..
و هذا اللي يخلي مثل هذه المسيرات تنجح .. لأنها تخاطب المشترك ..و يلزمها تكمل تخاطب المشترك بيناتنا الكل. حاجز الخوف اللي عند برشا ناس يضعف و شرائح جديدة من المجتمع تزيد تشارك و تفكك المجتمع اللي تعتمد عليه منظومة حكم فاشلة يفشل .. هذا موش معناها الكلمات متفاهمين على كل شيء .. لا.
و لكن متفاهمين على الأهم : احنا مواطنين و ما ناش رعايا و كيما عندنا واجبات عندنا حقوق و ما نسمحو لحد باش يتعدى عليها .. و العيش المشترك يتبنى على عقد إجتماعي بيناتنا احنا نسطروه مع بعضنا موش يكتبو واحد وحدو و يفرضو علينا بقوة الدولة .. و الحريات هي أساس العيش المشترك .. ما احلاها كلمة ..ساعات نخمم بالغالط اللي التوانسة ما تهمهمش.
شكرا لأصحاب المبادرة و التنظيم ..