جماعة رابطة حقوق الإنسان متاع تونس يعتبروا عودة المهجّرين إلى قراهم ومدنهم السورية "توطين استعماري"!؟ ياخي كتبتوا بيانكم في حالة صحو والا فوق الكونتوار متاع هاك البقعة!؟
يا هموم راهو بشار الكلب متاعكم شرّد عشرة ملاين سوري وخرّجهم من ديارهم وحرمهم من أرضهم وتاريخهم وذكرياتهم وشتتهم في كل بقاع الأرض.. منها تونس. وكلّنا شفنا الذل والمهانة والانكسار على وجوه النساء السوريات وهنّ يفترشن الأرض مع أطفالهن أمام عتبات المساجد وفي الشوارع ويمددن أيديهن يستجدين المساعدة.. مع ما نعرف عن أهل الشام من عزة وأنفة وكرامة.
وما تقولوليش راهم الإرهابيين هوما اللي دمروا سوريا خاطركم تكذبوا. امشوا اقروا آش كتب ميشيل كيلو مثلا، وهو السوري المسيحي اليساري، حول إجرام عائلة بشار منذ نصف قرن. إرهاب بشار هو الذي ولّد كل الردود العنيفة على عنفه ودمويته وتوحشه. بشار قصف المظاهرات السلمية بالدبابات يا مجرمين!.. فكيف تلومون مظلوما أن "يردع الظلم" بما يناسبه؟.. هل تريدون من السوريين أن يطالبوا بحريتهم وكرامتهم بتقبيل تماثيل بشار المنحرف المنتشرة في كل مدن سوريا كما تفعلون أنتم حين كان يستضيفكم عنده ليدفع لكم ثمن عمالتكم..؟!
من كتب بيان الرابطة، ومن يصرّ على التشنيع على السوريين بدعوى أنهم تحالفوا مع الأتراك لإسقاط بشار، ليس أكثر من مبرّر رخيص للقتل والتعذيب والجريمة. التحالفات السياسية التكتيكية وجدت منذ فجر التاريخ. ومن حق الشعوب المقهورة أن تناور بما يتاح لها من فرص نادرة وصغيرة ومحفوفة بالمخاطر لافتكاك حريتها. أما تبرير التوحش والدكتاتورية باسم الانحياز للمقاومة وفلسطين فهو من جنس الفكرة الصهيونية التي تقتل الإنسان باسم الخرافة.
يا من كتبتم بيان العار.. في بالكم حتى سفراء بشار المنتشرين في كل العالم.. ولا واحد منهم قال الكلام اللي تقولوا فيه انتوما! ناقص كان تمشوا تسكّروا الحدود وتطلبوا من السوريين العائدين الاستظهار بما يثبت أنهم سوريون!
أنتم عار على الفكرة الحقوقية العظيمة لأنكم لستم إلا مرتزقة ايديولوجيات ميّتة وأنظمة قهر وجريمة.
تبا.
نصيحة لوجه الله :
باش ما تخلّيش روحك مسخرة قدّام روحك أولا وقدّام خلق ربي ثانيا، وقت تجي تحكي على الملف السوري، وتبدا جايب ما عندك في فضح المؤامرة الأمريكية الصهيونية اللي تعدّت على الشعب السوري الكل وأنت برك فقت بيها خاطرك حليلتك في الذكاء.. حاول تتحرّر شوية من سجن الدعاية الإعلامية الأمريكية الصهيونية.
معناها الصورة اللي عندك ع"الجولاني" مثلا لازمك تتذكّر اللي هي صورة صنعتهالك في مخّك التاعب آلة إعلامية صهيونية متخصصة. وهاك الصور متاع المجازر وحرق الأجساد أغلبها إذا موش كلها أفلام من إخراج أمريكي.
شفت ملف السلاح الكيمياوي اللي افتعلاتو أمريكا لتدمير العراق؟.. نفس الشي لملف ما يسمى بالإرهاب.. سيناريو أمريكي لتدمير واحتلال المجال العربي.
أصلا اسم "الجولاني" جزء من السيناريو الصهيوني الدعائي التشويهي. السيد سوري عربي واسمه أحمد الشرع.
صحيح ماكش مطالب لا باش تصفقلو ولا باش تحبو، رغم هو الحق وهرة، على خاطرو ما زال ما عملش حاجة انجمو نقيموه بيها.. أما زادة ماكش مطالب باش تكون ببغاء غبيّ نهار الكل وأنت تعاود في كلام الصهاينة حول مقاتل سوري ضد الدكتاتورية اسمو.. أحمد الشرع!
سمعتني!.. تبا.