بربي كل مترشح للرئاسية يقول أنو يلزمنا دولة قوية...يفهمنا مفهوميتو للقوة متاع الدولة... دولة قوية فاش؟ وضد شكون؟
كانها قوية...ضد ممارسة الحريات من طرف المواطنين المطالبين بحقوقهم المضمونة بالدستور...وضد الديمقراطية ودولة القانون والمؤسسات الديمقراطية...يختصر المسافة وما ايشيحش ريقو برشة في الدمغجة الفارغة…
يقول يحيا بن علي...تو نفهموه!!!
وكانو يقصد بعبارة قوية...أنها دولة قوية بقوة القانون....وبتطبيقه على الجميع بدون تمييز....وموش بالقمع وانتهاك حقوق الإنسان والحريات والديمقراطية...احسنلو ما عادش يستعمل العبارة!!! خاطرها عبارة خاصة بالسياسيبن الفاشيين والمستبدين... دون سواهم!!!
المسؤولون الديمقراطيون في البلدان الديمقراطية...يقولو دولة القانون...أو دولة الحق... état de droit...موش الدولة القوية!!! وهاذي راهي تتقرا في السنة أولى حقوق!!!
ومترشحين للرئاسة...يا بوقلب!!يا جهل منهم...ولا اولاد بن علي...وبش يحميو الدستور!!!
الزبيدي؟
مسخفني العزا...يخدمو بيه دمية... كذبو عليه بش يولي رئيس...وجدت عليه..
من مدة جنابي تحك فيا...يحبو يعملو تفريكية واقعية... على حياتو السياسية الحقيقية...بدون زيادة أو نقصان..وراهي خايبة برشة... وخوكم يوخر ويقدم...وموش عارف شيعمل..
خاطر من شيرة ثما أخلاق في السياسة...وما يلزمش نعملو حملات ضد مرشحين...وإنما لفائدة برامج تنفع المواطنين…
ومن شيرة أخرى...الجماعة إلي يعملولو في الحملة...طلعو كمشة كذابة...نهار كامل وهوما يغالطو في الناخبين ...ما يتهزوش بمقص النار!!