كورشيد استدعاتو اذاعة جوهرة، وسالاتو كيفاش فاض بيه الكاس وقال كلاب الغنوشي، وخرجوه مسكين مغلوب على امرو!!!! قالهم ما تقدرش تسمي الكلب الا كلب، وهذوما كلاب،.. بعض الاصدقاء يقولوا الذباب الازرق، كلمة الذباب لم تعد تفي بالمعنى.. هوما يكرهوني على موقفي من الوطية والاستعمار التركي.. وزاد قالهم تصوروا يتهموا فيا الي انا عندي املاك وفيلات ووو.. اما ما جبدش على اليخت متساع سمير ديلو والمصانع متاع الجبالي، جبد كان على الغنوشي واملاكو... استغرب كيفانس الناس تكذب وقالهم احنا ولاد عايلة.
ويبقى اغرب موقف لكورشيد هيو قولو أنو عمل قانون لأخلقة الحياة السياسية باش الكلاب متاع الغنوشي ماعادوش ينهشوه، وكيف قالتلو المذيعة ما تراش الي عبارة كلاب الغنوشي كبيرة ؟ قال الكلب ما نقدروا نسموه كان كلب…
معناها هو يقلهم يا كلاب وهوما يقولولوا الله يهديك يا كورشيد لو كان موش قانون الاخلقة رانا ردينا عليك.. بالطبيعة هو عارف الي عندو منابر الاعلام التقليدي موفرين هالوا الناس الي يخدموا بيه كيما خدموا بغيرو وركنوهم.. على هذاكا ما يحتاجش لإعلام الشعب.
في لخّر قال ، كنا نختلف مع بن علي لكن والله ما رينا منو الي ريناه في 10 سنوات هذي! كنا ضد بن علي لكن ما شفناش منو الشيء هذايا!!! وزاد قال "آخي ما كم شفتو ترامب شنو قال على تويتر"!!!! هذية تغييرا جنية ملفتة دخلت على خلايا التشبيح، شبيح متأثر بترامب راو معناها لا فيروس طور نفسو وخرج على السيطرة.
شوف وقت لنقولوا راهم سناجب تعيش كان في المستنقعات يقولوا كيفاش، تو الكائن هذا موش دخل البرلمان؟ موش توزر؟ موش كلا وملك وشبع؟ موش عايش في امن وحرية؟ ومن تلفزة لتلفزة؟ موش أصبح ضيف على سكاي نيوز متاع الانقلابات؟ موش يحكم باحكاموا وعاقد صفقات وقت كان وزير املاك الدولة بالمليارات... شوفوا كل الامتيازات الاسطورية الي حازها في عهد الثورة ومازال يسب في مرحلة الثورة ويقول "الي شفناه في 10 سنوات والله ما شفناه في عهد بن علي"! ويحلف بوالله !!!!!!!!!!!!!