الذبان الإخشيدي...جماعة الفكر الجديد.. موش مصدقين أنو قيسون يكمبن يحب اتطيح حكومة المشيشي إلي اختارو باش يعملّو حكومة الرئيس... طمعا في أن ترجعلو المبادرة الدستورية بعد سقوطها لمواصلة التلاعب بالدستور...في غياب المحكمة الدستورية..
لكن المشيشي خذى استقلالو عليه... وعمل اتفاقيات مع الكتل البرلمانية المساندة ليه ولي باش تعطيه الثقة...باش يتصرف كرئيس حكومة...ويغير بعض الوزراء المفروضة عليه من القصر... و قيسون باش يقعد متفرج..
غريبة والله... الجماعة لتو موش مصدقين وعاملين فيها معيز ولو طارو... ما زالو يحكيو على حكومة الرئيس... وقت الناس من كل الجهات والمواقع تأكدلهم في العكس ... بما فيه بلاغ قصر قرطاج مبارح...واليوم التدخلات في المجلس... وخطاب المشيشي إلي كان واضح في اتجاه الكتل والوعود الضمنية…
الجماعة داخلين في حيط... وطلعو لا فكر جديد ولا هم يحزنون... ولا فكر أصلا... رعية عمياء...في عصر انتصار العقل وقيم المواطنة ...وسقوط فكرة الفرد الرعية... ذكروني في جماعة ترامب... وقت رفض الكمامة ضد الكورونا... وبعد ما تضرب بيها حط الكمامة ...وهوما لليوم مازالو يتظاهرو ضد إجبارية وضع الكمامة…
هاذيكا الشعبوية آش تعمل...