تجي نائبة تجمعية متوحشة تردح باش تسقط البرلمان على مَن فيه لأنّ أموالا تنزل في حسابها من مصدر لا تعلمه تغنيها عن جراية البرلمان التي لم يترشح كثير من النواب إلّا لأجلها مع حصانة لا تفيد أحدا غير اللصوص والكناتريّة…
يخرج حسين العباسي، المفدّى، الذي لا يملك أدنى شرعية، من جحره، ليقرّر حوارا وطنيا يختار هو من يدعو إليه ويستثني منه ائتلاف الكرامة صاحب كتلة كبرى بالبرلمان... معناها ديمقراطية شكلية يدوسها الاتّحاد بأظلاف ما فيه متى قدّر أنّها لا تناسبه.. والحجّة الدفاع عن مدنية الدولة... والشعب يمشي للجحيم…
عندنا الاتحاد آش نعملو بالشعب والديمقراطية؟ الفائدة في مدنية الدولة كما قرّرها فيلسوف السياسة الكبير سمير الشفّي…
نعملو دولة جديدة مدنية نحطّو حسين العباسي مرشدا أعلى لها والطبوبي قائدا أدني وسامي الطاهري رئيس مصلحة التشخيص وحفيّظ حفيّظ وزير البر والبحر وما بينهما.. وسمير الشفي وزيرا مكلَّفا بحفظ المدنية من التهديدات المحتملة وإذا عنده فضاء نسلفوه لبعض الدول الصديقة زعيما زائرا يعلمهم أسرار مدنية الدولة وشروط حفظ أركانها…
ما مشكلتهم مع ائتلاف الكرامة؟ لأنّه يهدّد مدنية الدولة والاتحاد مكلّف بحراسة المدينة؟ تو، بجاه ربّي، حسين العباسي العائد من منفاه الاضطراري يفهم آش معناها مدنية الدولة؟
تو سمير الشفي كابس روحه وجايب ما عنده.. دفتر وقلم في سنة 2020 ويدور من مظاهرة لاعتصام يقيّد في الملاحظات فاهم شنو يقول؟ يعرف شنو يقيّد؟
مدنية الدولة؟ ياخي سيف الدين مخلوف حاخام؟ وإلا عبد اللطيف العلوي أسقف؟
الأمر لا يخرج عن أنّ ائتلاف الكرامة همّ بمدّ يده ليحكّ دَبْرة فوق ظهر الطبوبي.. وبقية القافلة.. كما فعل من قبله النائب السابق المحترم عماد الدائمي... الجماعة خايفين على ظهورهم بعد سقوط البردعة... أنا ما عمري في تاريخ العرب والمسلمين سمعت بدولة دينية يتولّى أمرها وليّ فقيه... منين جابوها حكاية مدنية الدولة اللي حتى ناجي الزعيري يفهم فيها؟