التذاكي الممجوج اللي قاعد يدور! وقت الواحد يحب يشرح علاش طاحت حكومة الجملي، ويبدأ الناس يهز وينفض، هاي النهضة عملت، هاو الجملي غلط، هاو الجملي ضعيف، هاو الجملي سمين، هاو الجملي عندو الكوليسترول، هاو طارق عاودو ليه وهو عندو مشكلة مع الجري، هاو السليتي صريح برشا، هاو الوزير هذاك عندو حانوت بلا باتيندا......
لا لا! هذي بداوة سياسية تعتم على الحقيقة وتساهم في التشويش على رؤية المتابعين الي هي بفطرتها ومن غير فلسفة واضحة.
لا ياسيدي انت ماكلينك ماكلينك.. مطيحينك كي تجيب الجملي ومطيحينك كي تجيب مرزوق والا تجيب واحد من النهضة والا واحد من الكرامة والاّ واحد يتردد على الجوامع وإلاّ واحد منحاز للشعوب العربية ويقول بحقها في الثورة... الجماعة ما حاجتهمش بالكفاءة والثقافة والنظافة، حاجتهم فقط براسك، ولا شيء غير راسك..
الجماعة كانوا يفتشوا على زعيم يتخندقوا خلفوا كما دوما، قبل لقوا الباجي وقبل الباجي لقوا الرباعي الراعي وهكاكا هوما!ّ كيفهم كيف السّت تفيدة إلى ڨالت: ظل "راجل" ولا ظل حيطة! بعد لقوا القروي، لكن القروي خلاهم يترقبوا على الباب ومشى للنهضة قالها هيا تكوني - كالتي نقضت غزلها من بعد قوة أنكاثا- قاتلو لا يا خويا! المرونة والتعايش والتوافق أي نعم، أما تبييض الجريمة لا..
وقتيتها خرج ليهم القروي وقالهم إلى البيعة.. بايعوه على وثيقة قريش الي عقلوها في حجر الكعبة، وعلى ان لا ينازعوا الأمر اهله إلاّ إذا رأوا وسطية سمحاء عندهم من الاستئصال فيها برهان.... والبقية معروفة..