سعاد عبد الرحيم المناضلة الطلابية، الحاملة لشهادة جامعية عليا pharmacienne ، المستقلة ماديا ومعنويا، العضوة السابقة في المجلس التأسيسي، وأحد مدوني دستور ما بعد الثورة، المستقلة اللي تترشح في قايمة حزبية وتحافظ على استقلاليتها وعلى خيارها في عدم الانخراط في حتى حزب، اللي الناس الكل تشهدلها بالاستقامة ونظافة اليد، اللي أشرس خصومها عمرهم ما ينجمو يقولو أنهم شادين عليها ملفات من أي نوع، اللي تتقن اللغات الأجنبية، واللي موش متحجبة فوق البيعة ماتمثلش المرا التونسية الحرة....
المرا التونسية الحداثية المتحررة تمثلها هاك الطفلة اللي اقنعوها باش تتمد في وسط الحوت في فضاء تجاري ويفرجو فيها الناس الكل....
وتمثلها زادة سيدة العقربي الي كانت تلم البنيات مالحوم وتجيب معينات المنازل وعاملات الحضائر يصفقو لسيدها ومبعد تقلبهم في الزوز صوردي اللي وعدتهم بيهم …
وتمثلها زادة وزيرة الرياضة الموقرة اللي ملفات فسادها وإهدارها للمال العام تغطي ستاد رادس…
وتمثلها المرا اللي يجيبوها في برامج القمار تشطح وتهرج وتعري في روحها ويسوقوها على أنها رخيصة وبلاش كرامة ومستعدة لكل شي على خاطر الفلوس وغيرهم من النماذج "المشرفة" ..