الصحفي وليد الزريبي قيٌم الدنيا على الكاميرا الخفية/اللي هو نفسوا مش فاهم شنية : هل هي كاميرا خفية ولا إستقصاء ولا اصلا تحندير متاع سياسيين..وكأنوا وثائق ويكيليكس ولا بنما ..
انا ماللي ريت الفوفعه عرفتها بيعة مقطعة ، هدفها التحندير و لعب فيها المقص.
خلينا مع حلقه رؤوف العيادي .. اللي البارح سي وليد يقول انها خطيرة وانوا العيادي فيبالوا انها سفاره إسرائيل وانوا قبل التفاوض. قريت ايضا بلاغ العيادي اللي يقول فيه انوا تم تهديدوا/او عالاقل حاولوا انهم يحسسوه انوا محتجز غادي .. كل مره حاول فيها المغادرة.
الحق . . مع اني عبد الرؤوف العيادي نحسوا إنسان ضارب ، و '' parano'' و سياسيا نختلف معاه و مع الفكر الطرطوري الذي يحمله. الا انوا إحقاقا للحق تفرجت في الحلقة و تحس انوا السيد كان تحت ترهيب نفسي ، انسان في مكان مسكر معاه ناس مسلحة و تحندر فيه بالسيف..
قال كلام معقول .. قال انوا يحب السلام ..هذا مايتنافاش لعلمكم مع القضيه الفلسطينيه..الفلسطنيين نفسهم اغلبهم يحبوا عالسلام .. قال انوا لا يكره اليهود و صحابوا برشا يهود توانسة و طالبهم يعطيوه تفسير علاش يقتلوا في الاطفال.طبعا قال انوا ميسالش يتحاور معاهم ..بعد ما السيد وليد يحندر فيه عيني عينك .. و الماتراكاج من كل بلاصة.. حاول يتهرب و يسلك في نفسو حسب تفسيري. تفرجوا في وجهو توا تعرفوا انها ملامح انسان يحب فقط يخرج منها بلا اضرار.
بالإضافة ، وليد قال انهم اعلموا العيادي انوا المرى الموجوده سفيره إسرائيل! هاني تفرجت ..وليد قال للعيادي انها امريكية روسية.. اذا قيد عندك.كذبة.
to summarize
كاميرا ترهيبية هدفها البوز وتصفيه الحسابات. انا مايهمنيش في اللي يقولوا شخص في مكان مسكر ومعاه كونفه ناس هازه السلاح،احنا نحاسبوا الناس على افعالها.اعمل سيدي وليدي الزريبي بحث صحفي إستقصائي افضح وهانا وراك..اما مش بالتحندير و الترهيب.
بالله العظيم برشا فينا كان يتغصروا في فيلا مسكره و معاهم ناس مسلحة توا يصير فيهم ما يصير .
لذلك اعتبر البرنامج هذإ برنامج ترهيبي يستعمل اساليب غير اخلاقية ، ليس عمل صحفي و ليس عمل ترفيهي ، الترويج له اكبر من اللي يقدموا حتى التصوير و المحتوى فارغ.
ادعو الناس لكل انهم ما يعملوش منها راس مال و مايبنوش عليها اراء سياسية . اللي يحب يكشف التطبيع ميسالش يبدى بريوس الاموال اللي تمول في القنوات التلفزيه و بعض مواخير الإعلام الورقي و المرئي و بعدها توا نصدقوه.
ليس دفاعا لا على العيادي لا الناس اللي بش تكون موجودة.سأكون سعيدة لوا نفضحوهم على عاميالهم بطرق اخلاقية او عالاقل صحفية.
شالوم على امة محمد و امه موسى و امه عيسى و لعنة الله عالتروميز و البلادة.
برتاجي او ستحل عليك لعنة الموساد.