مادام النهضة في الحكم وماهياش في المنافي والسجون، مادامها شاهد زور في خدمة المنظومة القديمة حتى بربع وزير وثلث كاتب دولة(المنظومة اللي الجبهة قطعت طريق المرزوقي باش تدعم مرشحها "سي الباجي" (، مادام الوضع هو هذا، فمن الطبيعي إنو الجبهة الشعبية تخرجلنا الشعار "الديني" اللي ما ظاهرلي مصدقو حتى الجبهاوي اللي كتبو: " الربا لا قال بيه ربي ولا النبي"…
لكن تأكدو انو يكفي انو تخرج النهضة من الحكم او تضعف الى درجة ماعادش تقلق الطموحات السلطوية متاع اليسار (واللي السقف متاعها انها تنفرد بخدمة المنظومة القديمة موش وبحراسة مصالحها المادية والرمزية)، تو يولي "الربا" كلمة متاع دواعش ويلزم محاكمة الناس اللي تستعمل فيها باش تقسّم التونسيين على أساس ديني وتضرب الاقتصاد الوطني ، وتو "الثقفوت" الكل يطالب بحل اي حزب ما يفصلش بين الدين والسياسة…
يعني مادام الشعارات متاع الجبهة ماجاتش نتيجة مراجعات فكرية حقيقية( تهم علاقة الجبهة بالمرجعية الدينية وهوية الشعب والمقدسات متاعو من جهة اولى، وماهياش محكومة بالنزعات الاستئصالية والاسلاموفوبيا اللي تحكم اغلب خطاباتها من جهة ثانية) ، مادام النقد الذاتي ما صارش، فإنو الوحيد اللي ينجم يصدق الشعارات هو أبو حامد الغزالي الله يرحمو، على خاطر الشعار هذا ما يكون كان من بركات سيدنا حوس، سيدنا حوس اللي حب يرد الجميل للجبهة على مجهودها مع سي الباجي ولّى ادعى ربي انو ينعم عليها بنفس النور اللي قذفو ربي في صدر حجة الإسلام ....