يقول القايل علاش ؟
لانو في جزء كبير منها هي مجرد علاقات عامة وهي دعاية مدفوعة الأجر. مثلا تنجمو تلقاو المتحيل سواغ مان يقدم كقصة نجاح وعاطف الحمزاوي متاع تسريبات نادية عكاشة ومتاع فضيحة تونيزيا ميترز يقدم أيضا كقصة نجاح.
في برامج "قصص النجاح" في تونس،اذاعية أو تلفزية أو حتى رقمية، تلقاو صفر جهد صحفي ، القصة الكل عملية اشهارية لانو برشة من البرامج هاذي اللي يتعداو فيها يدفعوا فلوس تحت عنوان "اشهار للشخص او للشركة او المجمع المعني بالامر" في ساشيات كحل.
في البرامج هاذي اللي الصحافة براء منها لانو فلسفتها تتناقض مع أخلاقيات المهنة وميثاق الشرف الصحفي ( لا يحق للصحفي انو يتقاضى فلوس او يقبل هدايا مقابل عمل صحفي مهني كما لا يحق له تعاطي نشاط تجاري لانو هذا مدخل للفساد وتضارب المصالح ، الكناطري يردوه رجل أعمال، والمتهرب الضريبي قصة ملهمة، والمتحيل والفاسد والمرتشي والسارق تجربة استثنائية، والمتطفل على الفن والثقافة يولي مبدع وانستغراموز تولي قدوة في الحياة.
ما غير ما نحكي طبعا على السير الذاتية المضخمة وأحيانا المفبركة.
في البرامج هاذي ما فماش جهد صحفي حقيقي يتبذل للتدقيق في المعلومات والتحري والاستقصاء حول ما يقولو الضيف/ة والا المعلومات اللي تم تداولها حولو في مقالات اشهارية مثلا أو صفحات فايسبوكية ممولة. كلو نجاح في نجاح وهظاكهو.
كيف تشوفو شخص تعدى في النوعية متاع البرامج هاذي حاولو ابحثوا عليه ودققوا في المعطيات اللي تتقال عليه لانو برشة حالات تحيل وتضليل صارت ، وبرشة وضعيات أخرى ممكن تصير في المستقبل.