يا سَعْدْنا باشْ .. تِتحسّنْ الأوضاعْ !
و يُكثُرْ الخيرْ .. و يُكثر الإختراعْ !
هاوْ سيدنا حوسْ .. واعدْكم بالاقلاعْ!
واعِدكمْ باشْ تُشربو التّايْ بالنّعناعْ
وحتّى نساكُمْ تِتْوحّمْ على الدّلّاعْ
بْفضلْ التّوافقْ .. و سياسة الإجماعْ
و اسلام الحيضْ .. و فٓتْوة الإرضاعْ
يا سيدنا يا شمس شارقة نورها لمّاعْ
انت سيدنا الْبَيْ .. واحنا ليكْ رْعاعْ
تونسْ الكلّها ليكْ مالكها على الشياعْ
قدّاشْ يا قلبي .. في كيّتِكْ مِلتاعْ
وقدّاشْ يا دَهرْ بِطْبيعتِكْ خدّاعْ
قدّاشْ كُنتْ نِحْلمْ .. و قدّاشني طمّاعْ
نحلمْ نْكونْ .. من جملة الزّرّاعْ
نَزرعْ بذورْ الخيرْ و الحُبْ والإبداعْ
شْويّة ,ورجعنا لْعهدْ الظّلْمْ و الإقطاعْ
ناري على حُلمي غدالي وْضاعْ