يحكوا عْلى الشيخْ عمّار
كانْ لابدْ في وسْطْ الغارْ
مْحنّطْ في متحفْ آثارْ
جتْ الثّورة والثّوّارْ
تلْفنلَه "جاكْ و بِرْنارْ"
ڨالّه فيقْ يا عمّارْ
اتعدّى الْهِضابْ المنارْ
وِمْشي ديما عَ الّيسارْ
تلڨى المسيرْ و المسارْ
والتّحفة شْلومو بكّارْ
اوحَمّة يِكْمي في سيڨارْ
أعطيهم مليارْ مليارْ
و أعملْ حزب البوزقّارْ
وِتولّي صاحبِ القرارْ
تِنبتْ تَلصق كِ المسمار
هاذي خطّة لِسْتعمارْ
ما تنساشي يا عمّارْ
القنّاصة أولاد الدّار
هوما الّي يحموا الدُّوّارْ
مُختصّينْ فْ طَلْق النّارْ
زنڨة .. زنڨة .. دارْ .. دارْ
نقطعْ دابرْ الثّوّارْ
احنا نْحبْ الاستقرارْ
مْشِتْ مْعاكْ يا عمّارْ
جا الدّبنجقْ يا حُضّارْ
عاملْ شَبْعة بالجُمّارْ
شارِبْ قيشِمْ الذُّكّار
ورافعْ رايِة لِنْتصار
قالّه: حبّسْ يا حِمارْ
روحْ زهّزْ يا بِرْنارْ
شلّاڨاتِكْ .. مَلّاڨاتِكْ .. و المطارْ
احنا رانا عْربْ حْرارْ
أحفاد عُمرْ المختارْ
واصل الأصل من الانبارْ
في الجريد و في الفوّارْ
تحيا تحيا .. تحيا تونسْ ويُسقطْ يُسقطْ لِسْتِعمارْ