يا ناس، يــــــــااااااا توانسة، فيقو ! يا اللي ناوين تصوّتو بـــ "نعم" في استفتاء 25 جويلية، فيقو على رواحكم... راكم بش تهزونا للتهلكة أكثر من التهلكة اللي أحنا فيها !
الشعب يحبّ حكم الفرد... الفرد، الشخص الواحد... و الفرد، السلاح... الفرد فرد سواء كان شخصا أو سلاحا... الزوز يقتلو : الأول يَقتُل بالحرمان من الحرية والاختناق والفساد، والثاني يقتل بالكرتوش... كيما ينجّم الأول يستعمل الثاني بش يقتل مباشرة الناس اللي نسبة الأوكسجين طالعة عندهم، و ما يتخنقوش بسهولة...
الشعب الذي أتحدث عنه أي الذي يحبّ حكم الفرد هو "شعب" قيس سعيّد الذي يعبد قيس سعيّد، وقيس مترفّع عليه... الشعب الذي سيصوت بـــ "نعم" في استفتاء 25 جويلية...
البارح العشية، الجمعة 22 سبتمبر 2022، نزلت لشارع الحبيب بورقيبة مع مجموعة من الصديقات والأصدقاء من المجتمع المدني في مسيرة سلمية احتجاجية على الاستفتاء، برا نقولو في إطار الحملة الاستفتائية... في الأول، ما كناش برشة، حوالي 500 شخص...
كان ممكن نصيحو و نقولو شعاراتنا و نْرَوّحو على رواحنا و تتعدى المسيرة في هدوء وما يسمع بها حتى حد... لكن، ما راعنا إلا وقوات الأمن تتدخل باستعمال مفرط للقوة، و تعتدي على المتظاهرات والمتظاهرين و تفرّقهم و تُخلي شارعنا و تعمل باستعراض قوة كان واضح أنّ القصد منه بث الرعب في قلوبنا وخاصة منا الشابات والشبان اللي وقع إيقاف مجموعة منهم...
من الآخر بالكل، واضح اللي قيس سعيّد ما عادش يتحمل حتى نَفَس حر وديمقراطي معارض... واضح اللي أحنا مشين في اتجاه تأكيد او تشديد النظام الاستبدادي الموجود حاليا...
يا توانسة مقاطعة الاستفتاء هي الحل !