ليوم فرحت.. شفت برشه ناس محسوب "مثقفين" و "نخب" متغششين ويحتجو بشدة على منع مسرحية الجعايبي وقالك هذا أمر خطير جدا..
مليح..
انا موافقة جدا.. انه خطير (إذا ثبتت الرواية المتداولة لان هناك رواية أخرى من مدير مهرجان الحمامات) أما الحق راهو احنا عدنا برشه في الخطر.
حبوسات تعبّت و ناس تقهرت و الدنيا خلات وانتم توه كي حسيتو بالخطر . لا لا الخطر استنسنا بيه احنا.. غير انتم كنتم مطفين الضو وعاملين لا وذن سمعت لا عين رات
بون مفهوم..
توه واحد لا سمح الله يعطي موقف من الحريات أو الحقوق كما يليق بأي مثقف حقيقي أن يفعل.. ويخسر بذلك فرصة الدعم وامتيازات المثقفين.. فاش قام.. خلينا في قضية "الكلام الزايد" وعفّة المجتمع.