على صباحك يا ربي، وأنت ما زالت تستوعب في العالم وتحاول أن تنفث كل غضب الدنيا في قهوتك المسكينة!
اش يعرضك.. يعرضك فيديو لداكس وهو يجولح (اللي ما فهمش يعمل روحو فهم محسوب انتم فاهمين حاجة من الوضع)…
قلنا خونا الداكس يطلب في ماكس برطاج وتكبيس باش تهبط العباد.. جماعة الشيكات، المعطلين عن العمل، جماعة المناولة قالكم لكل اهبطو ما تخلهوش وحدو خلينا من حكاية انو الفئات هاذم لكل اللي بعد ثلاثة سنين ما حصّلو شي لتوه.. لكن اشنوة علاقتهم بموضوع المسيرة المعلنة.. اللي هي ضد التدخل الأجنبي !!!
واصلا يفترض واحد عندو قضية شيكات قطعا عندو منشور تفتيش.. مهزيه طول قدام الداخلية ماو لاباس هذه ورب الكعبة تحنديرة!!!
خلينا من الفكرة المنطقية التي تنتجها العقول الطبيعية والتي تقول ان حماية البلاد من التدخل الأجنبي تكون بمنع منافذ التسرب الاقتصادي اساسا و السياسي والاجتماعي اتوه يجي وحدو.. وتعني أن رفض التدخل الأجنبي لا يأتي بالزمجرة ولكن بالقرارات الحكيمة و بسياسة تجميع داخلي وببناء دولة قوية لا تتسوّل المساعدات و بتوفير مناخات آمنة للأدمغة التونسية تمنع هجرتها الخ الخ الخ…
السؤال الذي طالما شغلني كيفاش تكون انسان طبيعي بشهايدك و بتاريخك و بعقلك ويبدا يسوڨ فيك الداكس.. كيفاش تكون في مسار أعلامه الداكس و بديدة (مع احترامنا الكامل ليهم كبشر) و كلمتهم قبل كلمتك.. هذه وحدها تكفى لجعلك تتوجه الى أقرب جسر وتنهي المهزلة!
كبّس.. كبّس... كبّس …