ريتو توة..... صدقتم اللي الماكينة هي الي قاعدة تتحرك.. وهي اللي جابت عبير لإعادة الفاشية والاستبداد وتكميم الافواه من جديد والا.. مازلتم ما تعرفوش آش كونهم اللي وراها...؟ ها أن أنصارها يمنعون عروض العبدلي.. وتأكدوا اللي بن على ما عملهاش... عرفتو آش يحبو...؟! بمعنى آخر شفتو الإدارة العميقة فين؟!
كيف كان العبدلي يسب في الغنوشي.. وبنت الغنوشي وبوشلاكة.. والمنصف المرزوقي.. كان يعبر عليهم... حتى حد ما كلمو ..... والغنوشي والترويكا مثلا ما تحركوش.... قال آش نوة... قال الترويكا تحب الحرية والديمقراطية... وشدت صحيح باش تحط يدها في يد الفاسدين وما تفجعهم.. وما تعاقبهمش. وهاك المتخلف حمادي الجبالي قال آنا ما نحبش الانتقام... وهو ما يعرفش اللي القضية موش قضية انتقام بل هي قضية يا انت.. يا الحرية والديمقراطية.. تمشي في خبر كان... وتصبح الثورة في خبر كان... ويدخل كل من شارك في الثورة للحبس..
وسي حمادي الجبالي من أول يوم في الترويكا حط إيدو في ايدين التجمعيين متاع أولاد بلادو واشتغل معهام وكانوا معاه مستشارين في السر والعلن ... واسألوا آش كون كان في ديوان برئاسة الحكومة... و طبعا ما فعله هو الذي أصبح سياسة قارة.. وربما كان الغنوشي هو الذي دفعه الي أن يضع يده مع التجمعيين والدساترة.... الفاسدين طبعا موش كل ما هو دستوري او تجمعي فاسد. وأصبحت النهضة ما تراش مانع في التعامل مع الفساد والفاسدين....
فهل كانت قادرة على منع العبدلي من السخرية منهم وترتاح من بلادتو... يبدو لي أنها لم تكن قادرة لأنها تعرف اللي وزارة الثقافة موش في يديها..... كانت تستنى حتى تتمكن من مفاصل البلاد... والحقيقة... موش كانت تستنى ما كانتش قادرة... موش على خاطر القانون موش معاها أما على خاطر ما كانتش تقدر الأمور حق قدرها.. وسكتت باش تتلهى بحجات كانت تراها أهم... والحقيقة.. هاذي ما هي الأهم.. وهو عدم السماع للإدارة القديمة العمل على إفساد الثورة وتعطيل مساراتها.... وافساد إستحقاقاتها.
وهنا ما تفهموني غلط... راني ما قلتش النهضة هي الثورة.... أما الإدارة العميقة كانت تشتغل بهذه الرؤية باش الكل يصدقها ويخدم ا في صمت.. ما تنفذوا شيئ.... على خاطر النهضة هي الثورة ذلك هو الشعار اللي اشتغلوا عليه ونفذوه.
وحتى كيف صاحب العبدلي ضرب وزير الثقافة متاع الترويكا بكعبة عضم على وجهو.... لا الغنوشي تحرك.. ولا حتى حد من الترويكا تحرك.... ولا الإدارة العميقة تحركت. أش نوة السبب زعمة.. ... وكيف المنصف المرزوقي أصبح مسخرة في البلاد. لا أحد تحرك.. وقال المرزوقي اللي هو ما حبش يمنعهم.
يظهر لي كان غالط... يتصور نفسو هو اللي ما بحبش يمنعهم... والحقيقة.. موش هو.. إنما الجماعة اللي شادين الإدارة هوما اللي ما خلاوش المنصف يعمل حتى شيئ.. وحتى لو كان تحرك وعمل حاجة ضدهم حتى شيئ ما يصير... على خاطرهم الحكام الجدد ما فهموش كيفاش يتصرفوا..... ظهروا خاطيهم... للأسف
والمسألة مع الايام أصبحت واضحة.. الجماعة يحكمو... وجماعتهم في مفاصل وزارة الثقافة.. كيف ما هوما موجودين كل مفاصل الدولة.. ويستناو في البلاغ رقم واحد من عن طريق الديمقراطية باش يضربو الديمقراطية نهائيا
ما تستغربوش..
نعم.. الديمقراطية جابت هتلر... وهتلر قضى على الديمقراطية.... وهذا اللي يحبو عليه يصير في تونس بعد ما أكد الجيش التونسي الراجل انه لن يكون الا في خدمة ما يريده الشعب.. وما يقرره البرلمان مع احترام الدستور وقوانين البلاد.
شوفو توة آش كون الي منع ثلاثة عروض العبدلي ...باش تعرفو اللي العبدلي كيف كان يتمتع بالحرية لما كانت النهضة هي الي تحكم في وزارة الثقافة والامن ... هوما اللي خلاو العبدلي زمن الترويكا يضرب في الاخوانجية..... فلا وزارة الثقافة اسكتته.. ولا الشرطة منعته.. ولا الجرائد والتلفزات عملت عليه حملات تشويهية. بل فسحت له المكان وشرعت له الأبواب.... لأنه كان يسخر من السياسيين إلى جابتهم الثورة... واستغلوا الثورة كيفما حبوا... .....آه...نعم... كل شيئ كان على ما يرام... أما انو يحط يدو على كلسون عبير.. توة يلزم يدو تتقص... ولسانو يتبلع......
توة عرفتم آش كونهم الي تحركو ضد الي آنا كتبتو في الأيام الأخيرة... واتهمتني أستاذة جامعية قد الدنيا... هاو الي هي قد ذبانة... تأكدوا انه مع ألف من المثقفين الي كيفها يتحركوا بالعرائض والبيانات.. وبالتحركات السوداء في البرلمان وبالإعلام الي رافقهم منذ الدقيقة الأولى.....
لقد تركوها تتحرك وحدها لتظهر للعيان انها تحفر طريقها وحيدة.. وتناضل وحيدة... لكن أصبح واضحا الآن ان الماكينة كانت ترافقها شيئا فشيئا... وما الحملة الي قام بيها بعض المثقفين لتبرئتها من الأموال الإماراتية الا في هذا النطاق وليس كنا قالوا لتنظيف المسار السياسي من غدران الأموال الأجنبية......
والآن...؟!؟!؟!
إذا لم يتحد أنصار الثورة من كل التوجهات. فإنهم سيخسرون الكثير.... لا بد من التكتل وفرض مسيرة الثورة..... والعمل على أن لا أحد يمنعها من التحرك الي الامام.
يا ثوار تونس اتحدوا.... الماكينة.. بلدوزر يتحرك بعنف لهدم ما حققته الثورة.