سي لحبيب طلعت نغار
لعبت وخسرت ونغرت انت خاسر سيء …(un mauvais perdant)
الشيخ حطك في الداخلية ايام الجبالي وبعد مستشار امني وقت لعريض وقبل بيك رئيس حكومة وهو متكيك ب70 نائب من غير الخماسة متاع الرياحي .
وانت حكمت عام و9 شهور …قصبتلو ساقيه من المعتمديات والولايات وسيبت عليه الجندوبي سكرلو جمعياتو …وكان زدت عام اخر تنحيلو جبتو …وفي الاخير عملت مينة للحكومة الجديدة في الحوض المنجمي و جيت تتقبح نهار الي باش ينحولك مفاتح الكرهبة .
انت لعبت ونغرت …
كانك فحل ما تتعملش مبادرة على ظهرك …وانت توكوك …حتى ياسين براهيم يحيبلك …
لو كان ضربت الفساد ضربات صحاح راك وقفت على حاجة مهمة وتبني عليها.
كان الشيخ وقف معاك ترد الموقف بخوه .
كان خانك ساعتها يحق لك حرق جبته بالسخرية …
انا دافعت عليك يوم طيحوك …شيء من الشفقة عليك و كثير من سوء ظني بمن ظهر بعدك كنت عندي الخيار صفر …والصفر ارفع درجة من تحت الصفر .
لكن يبدو انك اخلاقيا تحت الصفر …ويظهرلي الشيخ عرفك ….ماكش صيد …
لكن في الاثناء ذكرتني بحاجة رغم انفي .
كان الجلابة متاع الساحل (تجار المواشي) اذا اتونا الى الجنوب للبيع يزينون لنا تبادل نعاج كبيرة في السن (مطيحة) وسمينة وغالبا مريضة مقابل خرفان صغيرة …
يبدو انك تربيت على ثقافة الساحل فقط ياكل لحم العلوش … نحن الشارف ياسر فينا
كان مد ربي في انفاس الشارف …لما يطيحهملك …وتكمل بالياغرت …
هاني نقانص فيك ….يا كأنك صيد …لكن يوكوك …
نور الدين العلوي
الضمار فنّ عصي على الكثيرين !!!
ليس من السهل أن تكون ضامرا، فالضمار موهبة نادرة يمنحها الله لقلّة قليلة من خلقه، وإذا لم تكن ضامرا " من عند ربّي" ، إيّاك ثم ّ إيّاك أن " تتضومر" لأنك ستصبح مسخرة ويضحك الآخرون منك لا معك!وستثير لدى خلق الله الغثيان عوض الاعجاب!والشفقة عوض التفاعل الإيجابي!
وهذا ما حصل لسي الحبيب اليوم وهو يسلّم السلطة !
حاول أن يتضومر ، فأطلق ملاحظة بائخة أشاعت لدى الحضور مشاعر سلبية ،ونزلت به للحضيض وأفقدته ماء وجهه، وأثار الاشمئزاز وهو يضحك وحده لنكتته البائخة !
هناك فرق كبير بين أن يكون رجل السياسة ضامرا حاضر البديهة ، فيمرر أفكاره بطريقة ذكية لبقة بعيدة عن الابتذال والحدّة والمباشرة وبين أن يكون بليدا متبلّدا ثقيلا عديم الاحساس، لا يتقن فن الضمار ووضع الكلام مواضعه الصحيحة!
وسي الحبيب يصدق عليه المثل الشعبي المعروف :
" كي الزير المتكّي، لا يضحك لا يبكّي"
وعاش من عرف قدره ووقف عنده !!!
طيب الجوادي