كيف حزب يكذب 4 سنين و يقوم بتدليس حقائق و يجيب ناس تشهد بالزور و يبني الحملة الانتخابية متاعو على الموت ( شكري بالعيد البراهمي الشارني و نقظ) و يرمي ناس 4 سنين ظلما في الحبس .. هل هذا الحزب أهل ان يحكم بلاد ؟؟ هل يؤتمن على مصير شعب ؟؟؟
عندما نرى الحالة الي وصلتها البلاد نفهموا الي هذا الحزب كذبة كبرى يجب ان يفيق الناس منها .
أنشتاين الاقتصاد قاللكم العدالة في تونس ليست حرة و النهضة و الCPR يتحكموا في جزء منها . فما ناس يلزمهم يعيشوا في بلاد كل شي فيها بالقياس كالصباط بالضبط .
لازم كل شي يكون مواتيهم و مساعدهم : الاقتصاد و السياسة و قانون المالية و التعليم و اللغة و العلاقات الدبلوماسية و الأحكام العدلية زادة ….
ما كانشي يتنرفزو و تولي من المستحيل بناء مؤسسات ديمقراطية !!!
فهمت توة علاش بن علي قعد 23 سنة لانو كان موفرلهم هذا الكل على قياسهم …
سي المنجي الرحوي ما لقاش الكلمات بالعربي … فنطق بلغة فولتير :
le verdict est mauvais
ما هو المقصود سيدي بكلمة :
mauvais !!
عندما نتحدث عن القضاء نتحدث عن عدل و عن ظلم و لا نتحدث عن :
Mauvais verdict et bon verdict
فالعدل اساس العمران و اساس الحكم ولا في سبركم الأحكام يجب ان تكون سياسية لخدمة مصالح " الطبقة الكادحة " ؟؟!
استحي من نفسي لو بحثت عن نور القمر في السماء و انا أعيش في بلاد يسجن فيها أبرياء لا ذنب لهم سوى ان الطرف الآخر يحب ان يجعل من موت طبيعي جريمة قتل لإعلاء قيمة شخص من"جماعتهم" فيقال انه شهيد ..
استحي من نفسي لو بحثت عن نور في السماء و جنودنا يمشون فوق الألغام في الظلام الدامس لقلة ذات اليد فهو جندي في بلاد فقيرة لا حول ولا قوة لها ليست لها الإمكانيات لتمكين جنودها من معدات حديثة فتترقب المساعدات من العروفات الكبار .
استحي من نفسي لو بحثت عن نور في السماء و بلادي تستندين كل يوم فلا تجد حكومتها حلا سوى التسول لتجنب النكسة …
كيف انظر الى السماء بحثا عن النور و قد انتشرت الظلمة في بلادي : بطالة ، غلاء المعيشة ،انتحار في صفوف الشباب ، جشع و حرب على الكراسي ، و كل الرداءة في الحكم .
على المسلمين كافة ان يخجلوا من النظر الى السماء لان رب السماء لا يحب الظالمين و الفاسدين … ولا يحب المستكينين يا … " كُنْتُمْ خير أمة اخرجت للناس "…