عندما يصرح سفيان طوبال أنه و حزبه و جماعته و الناس الي على شاكلته يرفضون التمديد لهذه الهيئة و ان العدالة الانتقالية لن تقف بإيقاف اعمال هذه الهيئة وعندما يطمئننا ان هذه الجماعة لها مبادرة تشريعية بخصوص العدالة الانتقالية و أنهم سيضعونها على ذمة المجلس يوم الاثنين.
افهم يا تونسي أنهم يريدون هيأة على قد مقاسهم و في خدمة مشروعهم الي خيره غرق البلاد فساد و انتهازية و سوء تسيير و محاباة و التفاف على المؤسسات الدستورية و افلاس ..
و افهم زادة الي المبادرة الطوبالية الجديدة ستكون على شاكلة قانون المصالحة الي طلع بيها رئيسنا المفدى .
و زيد افهم يا تونسي الي الانتخاب متاع هذي الهيأة باش يعيش مسلسل انتخاب أعضاء المحكمة الدستورية اكلني ناكلك و محاصصة حزبية و سوء نية و حسابات ضيقة و تعطيل ..
و افهم يا تونسي ان الجماعة بدأت تخاف كيف ملفات الهيئة توصل للقضاء المختص الي هو موش مضمون .
و افهم زادة الي كل شي و لا انك تحاول انك تنفض الغبار على الاتفاقيات بين تونس و الشركات المتعددة الجنسيات لأن الحكاية فيها أموال طائلة و عمولات تحت الطاولة و مافيات و لوبيات و يمكن تعويضات لن يرضى ان يدفعها مصاصوا الدماء.
هذه الهيئة بنواقصها أصدق ممن ينتمي لحزب بني على الكذب و المال الفاسد و أصدق من اشباه سياسيين مولهم شفيق جراية و اكلوا من يده ثم خانوا و عضوا اليد التي اكلوا منها .
هاذم ناس لا عهد و لا ميثاق لا يؤمنون بالعدالة و لا بالحق و لا بالقضاء العادل و المستقل .. ناس ستانست بالغورة و بالعدالة على المقاس و بتنفس الفساد و خيانة العهد .
اذا يا تونسي كانك " مدك " كمل امشي و راء طوبال و توة تلقى روحك "في حجر بن علي " .