الاعلام أوصلهم للحكم .. و الاعلام يسوق لنجاح لم يتحقق منه شي .. التاريخ لا يذكر سوى الناجحين اما أنتم فسيبقى في ذاكرة التونسيين أنكم اغرقتم البلاد في الديون و وضعتم حجر الأساس لبيع البلاد بنوكا و شركات ..
الليلة نرى يوسف الشاهد في مكانه الصحيح : ضحكة بلهاء و هو وسط " حضبة" ..
الي دبر عليك هالدبارة ليس حرفيا و أظهرك في ثوب الطويل الذي يجلسوه غصبا لأنه لا يتماشى مع الديكور .
الضحك باهي و إظهار اللحمة بين أفراد الحكومة جيد ، لكن بلغة الفيراج الذي انخرطت فيه منذ مدة ( التسجيل الذي اظهر سيادتكم تشتمون الرئيس السابق( بلغة الفيراج العبرة بالنتيجة .. و نحن نترقب خروج النمو الاقتصادي من الصفر الي يقبع فيه بفضل حسن تدبيركم و دهاءكم السياسي.
ثلاثة شهور و البنك الدولي مجمد القرض الي وعد بيه الحكومة و انتوما خانسين .. اكثر من هذا مسيبين الاعلام يتوّه في الناس و يحكي على الارهاب و على الإنجازات الجلية في تعقب الارهابيين و كملتو عملتو شوهة و جوقة كاملة على رجوع الارهابيين " بالآلاف " من بؤر الارهاب ..
ثم بديتو طرح المرزوقي الي سب في التوانسة و تفتح نقاش ننزعولو الجنسية ولا لا !!!! ثلاثة شهور وانتوما تتمنيكو على الشعب و زعمة عدّيتوها عليه ؟؟؟
فضيحتكم باش تكون بجلاجل كما قال المصري .. و يا نهارة الموت نهارة الكشفة .. نهارة الي باش تفرضوا خصخصة البنوك الي دفعتوا الشعب 1200 مليار من فلوسو باش تنظفوا بيهم سوء التصرف في المال العام و بفلوسنا .. نهارة الي باش تخوصصوا ال steg و sonede و تبيعوا البلاد في الي ورآها و الي قدامها نهارتها لكل حادث حديث ..
ناوين باش تعملوا من تونس يونان جديد .. لكن البلاد ما هياش بلاد جدودكم .. انتقلنا من دكتاتورية الحزب الواحد الى دكتاتورية الحزب الواحد التوافقي العائلي … سيسقط برنامجكم لأنكم فاشلين في كل شيء . فاشلين في كذبكم و في فسادكم و في طريقتكم في تسيير البلاد .
أنتم عنوان الفشل و أنتم غير قادرين على مصارحة الشعب التونسي .. أنتم أقبح ما أنتجت الثورة ..