بعد أن زال كابوس الايقاف - إلى حين - تعالى نتمازح يا عمّنا الصافي السعيد فلك عرق في أهل الجريد ولي أمشاج من "آل الجماعي " وأنت عارف السّڨي والڨطار جيران ...إيه عاد ايش نقولك وايش تسمع منّي ؟!
طول العشرية وأنت تصدعلنا في روسنا بمقولتك :" التهريب والارهاب هما إخوة من الرضاعة " و" الارهاب مرتبط بالتهريب لأن كل واحد مستفيد من الآخر "..وفي الأخير تلتجئ للمهربين باش يقطعوا بيك الحدّ ؟!.. شفت عمّنا الصافي وأنت راسك شايب ما استفدش من صديقك ياسر عرفات وقت قالوله :" لم نسمعك مرة تلعن الشيطان !" قال :" ..ربما أحتاجه يوما "!!
خلينا من هذي ، يعني ضاقت عليك 1010 كلم مسافة حدودنا مع الدزاير ومشيت طول لجحر الأفعى الأكثر رقابة ؟! روحت طول لجهة فريانة/القصرين ؟! ما شفتش "حزوة " وهي أقربلك ويتسموا جريدية كلهم حتى واد سوف .. ما شفتش الفوق من شيرة ساقية سيدي يوسف الممرّ اللي سبقوك عليه ثلاثة رموز سياسية : أحمد بن صالح وبعّد محمد مزالي وآخرهم راشد الغنوشي .. ؟! والله كان شاورتني يا عمّ الصافي ما ننصحك كان ببن قردان وبالذات تجيب على "وازن "..
مازالت حويجة عمّنا الصافي ونسكت : هاهم قالولي شدّوا عندك فاليزة معبية بالكتب متاعك ، عاد وليت توزع فيهم على الدرك والحرس الوطني وتقلوللهم :" هاكم أقروا ولاّ خلوا ذركم تقرالكم "!! كانها حقّ الحكاية والله غالط على طول .. وقتها ساعتها باش تعمل فيها ماوتسيتونغ متاع الثورة الثقافية ؟!..
على كلّ كفّارة ان شاء الله ..ومنّو هكّة شاور. هههههه