واملاك الدولة هي ملك للشعب التونسي.. كل الشعب التونسي موش اصحاب الشركات الاهلية! سامحني انا عاطل عن العمل وما نحبش نعمل شركة اهلية ولكن من حقي نحصل علي ارض نعمل فيها مشروع فلاحي، نحفر بير، نزرع الصبار.. نربي الحجل.. اموري يا أخي ..
هذا حقي!
يفترض تصير دراسة وحصر لتلك الاراضي و تقسيمها ومن ثمه وفي اطار لجنة وطنية كفؤة موش موالية يتم دراسة المشاريع ذات الجدوى الاقتصادية والتشغلية وتمنح تلك الاراضي في اطار عقود واضحة مع الدولة واحاطة بالشباب المستثمر..
سامحني ماو لاباس السيد متاع الرمال الذهبية اللي يعبي في الرمل في شكاير تعطيه الدولة ارض!!!
ثم يا اخي ثمه شباب عاطل عن العمل و موش مؤمن بأهمية الشركات الاهلية ولا بدورها.. من حقه ان يُمنح ارضا لاستغلالها في المشروع الذي يريد بعيدا عن فكرة الشركات الاهلية!
كي تبدا فكرة فاشلة وما عندها حتي معنى.. مستحيل تنجح حتي لو كان يتحللها خط تمويل مباشر من البنك الدولي!