جماعة النمط و الحداثة يقلك النقاب لازم نمنعوه…
تقلو شنية مشكلتك بالضبط مع النقاب كقطعة قماش و الا مع الشخص الي تحت النقاب وعقله…
يقلك الشخص تحت النقاب مجهول و ينجم يخبي تحتو السلاح و يقوم بعملية ارهابية…
تقلوا الي عملو عمليات ارهابية الكل و جوههم كانت مكشوفة (كيف المجرمة متاع تونس الكل) و لابسين الدجين و خبوا السلاح تحت فيستة و الا بلوزون...امالا نمنعو الدجين و الفيستة و البلوزون...؟؟
يقلك الي لابس النقاب ينجم يدخّل و يسهل وصول السلاح…
تقلوا اهاوكا البلجيكي جاب حاوية معبية سلاح و يحوّس لبرّا و بالقانون…
يبلّع جلغتو…
جماعة النمط يقلك المثلية الجنسية حرية شخصية و لازم الدفاع على حقوق الاقلية…
تقلهم هي مجرمة بالقانون و محرمة شرعا...
يقلّولك هاذيكا الديمقراطية…
تقلهم تعدد الزوجات…
يقلولك غير قانونية...و اهانة للمرأة...و رجوع الى عصور العبودية...و ضرب لمكاسب المرأة الحداثية…
تقلهم...آه امالا ينجم الزوج يجيب لزوجتو عشيقه من الرجال…
يدخلوا في حيط…