النهضة تجي بعد النداء؟ وإلاّ تخرج من الطرح جملة؟ وائتلاف الكرامة موش موجود في جغرافيا تونس تابع فجر ليبيا؟ وسيف الدين مخلوف ودغيج والجوادي ما عندهمش الحق في المواطنة نبعثوهم إعارة؟
عايشين في كوكب آخر.... وإلاّ مخّهم مركّب على اليسار. المفروض لطخة الزبيدي تكون حلّت لهم عينيهم... وعملت لهم رجّة. لكن يبدو أنّ عُقدهم تحوّلت إلى فوبيا وأنّ وضعيتهم يلزمها دراسة كلينيكية…
ماشي في بالهم يفهموا أكثر من خلق ربي... وأنهم عندهم توكيل عام باش يدافعوا على الدولة وعلى المُجتمع وعلى الحداثة... ومن حقهم يصنّفوا الناس ويحاكموهم ويحكموا عليهم.
الناس إلّي انتخبوا النهضة قطيع والناس إلّي انتخبوا سعيد فوضويين والناس إلّي انتخبوا ائتلاف الكرامة غوغاء.... إيه والناس إلّي يدافعوا على المافيا آش نسمّوهم؟ والناس إلّي عايشين في برزخ سامي الفهري آش نصنفوهم؟
لا حياد ولا موضوعية ولا مهنية ولا احترام للحدّ الأدنى من ايتيقا الممارسة الاعلامية.
باشمارغا سامي الفهري....