في الوقت الحالي لحظة تاريخية في تونس ما تتعاودش ديما. هو انّو فمّه اتفاق شامل بين جميع الاطراف السياسية المتحالفة مع بعضها والمتنافرة وجميع مكونات المجتمع الاهلي وجميع الاجيال كبار وصغار وجميع المستويات من خبراء ومن مغرومين بالاقتصاد ومن اعلاميين وفنانين... انّو تونس تمر بأزمة اقتصادية ومالية ورُبَّ ضارّةٍ نافعة وربي يحنّن القلوب عالى بعضها …
لكن بعد ما اعلن رئيس الحكومة على اجراءات استعجالية لتفادي انهيار الدينار باش يعلن عليها نهار الاثنين ، في نفس الوقت قاعدين لحْزاب يلوّجوا على رئيس حكومة أخر …
حُطُّوا رْواحكم في بلاسط الدينار (اللطف عليكم) اللي قاعد يطيح من نهار لنهار ويعرف اللي فمّه اجراءات متاع اقل من ٢٤ ساعة ( آش علينا فيها على خاطر يلزمها برشة حديث ومربوطة بين البنك المركزي والحكومة في نفس الوقت (من المفروض راهي تبّطبقت عندها تلاثه شهُر لتوه ما تعملتش...وزيد اذ كان لحبيب الصيد ياخو اجراءات عاجلة ويعرف اللي بعد موش باش يتحمل تبعاتها على خاطر باش ينحّيوه، ياخي اللي باش يجي بعدو هو وجماعتو باش يتلهاو بالدينارمن النهار لوّل ولاّ يلزمهم يستانسُو حتاش يفهموا لحكاية وحتاش الدينار والحالة تولّي ما فيها ما يتفصل ؟